الاخ العزيز الاستاذ محمد بوحافة شكرا على القصيدة الزجلية وسعيد انك هنا وبينا وسعيد بتعرف عليك عن قرب
تقبل منى اجمل تحية واجمل تقدير

العزيز عبد العالي أواب

شكرا لمرورك البهي وتقبل مني فائق الإحترام والتقدير

الأخ والصديق سعيد محمودي
كان لي الشرف الكبير بأن أتعرف عليك عن قرب

راك ديما في البال

تحياتي

الأخ المحترم بنعيسى الحاجي

شكرا لتفاعلك وقراءتك للقصيدة
الله معانا والصبر دوانا

أخوك محمد بوحافة

الاخ العزيز محمد بوحافة سعيد بتواجدك بينا
مع تحياتي وتقديري

محمد بوحافة كتب:

هاديك

عمرها ما قالت ليا شي نهار كليمة زينة
يفرح بيها قلبي
واش مكتاب عليا نعيش معاها معذب
وعذابي ما عالم بيه غير ربي
بلاما تطلب ليا نعطيها ولا تكرش هي
شي نهار تطيع وتلبي
بتخصار الخواطر مبلية
تنكر صباح وعشية
ما عندها جدر
ما عرفت بوها شلح ولا عربي
فينما ندخل لدار نبغي نرتاح شوية
تسمعني لي كان في القلب مخبي
أشنو ذنبي مع هاذ لولية
ديما عوافيها شاعلة فيا
محروق واخا يكون يسوط الغربي
ما باغيا لا هنا ولا سلام هيا
خاصني نكون معاها حربي
ديما حامل سلاحي في ايديا
والبارود موجود على جنبي
هاد الشي لي واقع ليا
مع هاديك ليكانقول ليها حبي


محمد بوحافة
..

..

هذاك
انت النهار الزين امعاك فينو ياربي
يام الله دايع واصباح اتنوض مسري
ما امخلي صاير
ما مديها لافي بنت ولا في دري
كيف لكلمة الزينة تخرج من لفم
وعل قلبك التبري
ياك كلامك اجريح
قصديرة واداها الريح
ايامي اعذاب واش هاذ المكتاب
ياربي فين كان هاذ الشي امخبي
فين الكلمة الزينة
وفين الحب لكان مدفينا
كل اشهر جلابة ولا ادفينة
السلهام لبا واتقدية لميمة
ولا كثرو اعليك لولاد
وطلباتهم خرجاتك من الباب
نوض يا الغالي
يا الصابر لهبالي
نترجاو الله العالي
يشوف من حالك وحالي
ونرضاو بالمكتاب
الحمد لله مللي باقي اتقول ليا حبي

الاخ الجليل محمد بوحافة
لك كل الود
زجلية جميلة
استمتعنا بها لدى سماعها في مدينة برشيد
واستمتعت بها هنا
تحياتي وتقديري
اختك فتيحة رشاد