بسم الله الرحمن الرحيم

أوعى تطاطى للعسكر

أملي فى بكرة يارب كبير
الليل يروح والدنيا تنير
لكن بعزم شبابنا نسير
وكان ميلادنا فى التحرير
بكره حاييجى على كيفنا
من بعد مااخترنا رئيسنا
لازم نوحد فى صفوفنا
علشان ماييجى لمصر الخير
كل أمورنا على المكشوف
واللى في بالى مش مكسوف
لوكان كما بيقولى نظيف
كان انزوى وقت التغيير
يارب ياعالم بالحال
غير بلادى وخليها عال
انت الى عالم بالأحوال
الناس بقت فى هم كبير
وكل واحد كان مخدوع
فى أى وعد من المخلوع
يرجع لحضن الشعب سريع
ويتوب لرب عقابه خطير
الشعب فاق م الى جر ى له
قاعد يشوف فى أحواله
ورئيسنا جه واحنا عياله
لازم يراعى كل فقير
دم الضحايا مش حايروح
عمال بكل المسك يفوح
والقلب من آماله يبوح
يارب ركب منانا يسير
لازم نحاكم كل جبان
خان العهود وقت الطغيان
لازم نطهر كل مكان
علشان يجيلنا دوغري الخير
ياشعب أوعى تطاطي الراس
واعرف حقوقك زى الناس
الظلم ويا الكذب انداس
والفجر جه وفى ايده النور
أوعى تطاطى للعسكر
ولا تخاف يوم من مخبر
دى ثورتك شهد وسكر
حافظ عليها يدوم الخير

عبدالقادر الحسيني

مشاعر جياشة ،وكلمات تدس بين حروفها تحفيزا يحث على التفاؤل لقادم الأيام و أمل المستقبل الزاهر ،دام نبضك البهي ياطائر الفجر

محمد الحبيب العسالي كتب:

مشاعر جياشة ،وكلمات تدس بين حروفها تحفيزا يحث على التفاؤل لقادم الأيام و أمل المستقبل الزاهر ،دام نبضك البهي ياطائر الفجر

بسم الله الرحمن الرحيم
أخى الحبيب محمد الحبيب العسالي
شكرا لمرورك الثري ومشاعرك الجميلة
دام ألقك
تقبل تحياتى وتقديري

سعاد فايز كتب:

ادام الله الأمن و الأمان لإخواننا في مصر

بسم الله الرحمن الرحيم
الأخت الفاضلة سعاد فايز
شكرا جزيلا لبهاء ردك
وحفظ الله أوطاننا جميعا من كل سوء
تقبلى أسمى تمنياتى لم بتحقيق الآمال
لك البشرى

اهلا وسهلا بك استاذي العزيز
لقد تشرفت بمعرفتك وقت تكريمك بمدينة الدار البيضاء
وها انا التقيك الان وانت تضفي جمالا على منتدانا بقصيدتك النابعة من القلب
كل التقدير والاحترام لشخصكم الكريم
اختك فتيحة رشاد

فتيحة رشاد كتب:

اهلا وسهلا بك استاذي العزيز
لقد تشرفت بمعرفتك وقت تكريمك بمدينة الدار البيضاء
وها انا التقيك الان وانت تضفي جمالا على منتدانا بقصيدتك النابعة من القلب
كل التقدير والاحترام لشخصكم الكريم
اختك فتيحة رشاد

بسم الله الرحمن الرحيم
الأخت فتحية رشاد
شكرا على كل هذه المشاعر الراقية
لك البشرى
كونى بالجوار دوماً