بْكَانَا الْيُومْ .
عْلَى أُمَّه.
فْ ذَلْهَا تْعُومْ
نَاسْهَا مَثْلَ لْحْجَارْ.
كَنْسْ الصَّلْصَالْ
صَرْنَا الْيُومْ نَاعُورَه
مَاتَطْحَنْ غِيرْ لَهْوَى.
غِيرْ الْمُحَالْ
جَهْلَتْ رْوَاحْنَا وْفَاضَتْ .
مَنْ ضِيقْ الْحَالْ
وَلاَّتْ الظَّلْمَه شْرِيقََه.
أنْفَضْحُو لَرْذَالْ
شَعْلَتْ فَ بْصَارْنَا حْرِيقَه .
الْعَدْلْ ذْبَالْ
نَمْحِيوْ سْمَانَا بْ لِيقَه.
أرْكَبْنَا لَهْبَالْ
إيهْ أوَا يِّهْ
وَاشْ الْخُو يَنْكَرْ خَاهْ
جَارْ لَعْدُو سَارْ مْعَاهْ
فَ لْجُوعْ رْمَانَا.
الْخِيرْ الدَّاهْ
ضَاعْ الْحَقْ .
شْكُونْ لْقَاهْ؟؟
مَاهَزَّكْ رِيحْ.
يَا لْعَرْبِي
عِينْ الدَّارْ بَاكْيَه
تْلاَغِي.
وَلاَ انْتَ مْلَبِّي
تْرَاعِي لَنْجُومْ فَ ضْيَا
مَا نْتَ عَرْبِي .
مَا نْتَ مَسْلَمْ
أنْتَ بُومَه
بِينْ لَطْيَارْ مَهْمُومَه
الدِّيجُورْ مْلاَ حْدِيثْهَا
سِيفْ النُّورْ مْحَاهْ.

ماهزك ريح قصيدة زجلية متقونة استمتعت بها
رائع كما تعودنا منك دائما اخي الكريم الاستاذ حميد تهنية
مع خالص تحياتى وفائق تقديري

مودتي وتقديري لكما اخي سعيد وابراهيم رامي