نَكْتَبْ لِيكْ رِسَالَه
بْ شَلاَّ.
شْكَالْ وَلْوَانْ
بْ لاَ حْرُوفْ.
بْ لاَ عِبَارَه
مَا تَحْمَلْ عُنْوَانْ
تَدِِّيكْ .
مَنْ الْقَلْبْ بْشَارَه
بَسْمَاتْهَا .
عَطْرْ وْرِيحَانْ
مَنْ لَهْنَا .
نْعَمْلُو دَارَه
تَزْيَانْ لاَمْتِي.
يَعْمَرْ الْفَدَّانْ
لاَبَدْ.
نْقُولْ لِيكْ كَلْمَه
أنْتِ ..
فَ عْيُونِي غْزَالَه
نَجْمَه.
مَا كِيفْ نْجُومْ نَجْمَه
تْحَلَّقْ.
فَ سْمَايَ شَعَّالَه
فَ بْحَرْ الدَّمْعَاتْ .
تْصِيرْ بَسْمَه
لَشِّينَه رَافْضَه بَطَّالَه
عَنْدِي لِيكْ طَلَبْ
نْسَايْ عْلِيكْ الْمَاضِي
حَرْقِيهْ.
وْرِيقَه وْرِيقَه
لَحْيَاةْ.
أقصِيرَه .
أجْمِيلَه .
غَنْمِيهَا ؟
بَ الْيُومْ وَدْقِيقَه
لاَزْمَكْ.
تْشُوفِي لَلْقَدَّامْ
وْتَصْغَايْ.
لَرْقَايَقْ لَوْزَانْ
يَاكْ السِّيلْ .
مَبْدَاهْ قَطْرَه
الْوَادْ الْحَامَلْ.
يْكَرْ بِهَا
الْقَلْبْ الْمَسْكُونْ.
لِيهْ نَظْرَه
تْوَرِّيهْ طْرِيقْ .
مَنْ لْهِيهَا
مَنْ أجْلَكْ يَا الرِّيمْ.
نْوَلِّي شَادِي
نَفْدِيكْ بْ دَمِّي .
وَيْجِينِي عَادِي
نَتْمَنَّاكْ زَهْرَه
نَحْضَنْهَا فْ مَرَّه
قَدَّامْ.
الرَّايَحْ وَالْغَادِي.

حجزززززز
لي عودة

اخي الفاضل الاستاذ حميد تهنية قصيدة ريم قراتها عدة مرات أسلوب رقيق ورائع ومعبر شكرا لك
تقبل تقديري واحترامي