يارحمان
***********
يَا لَطيفْ يا حَفيظْ يَا سَتارْ
لاَسَرْ لامَعْنى فَ لْحَطَة مَقْبُولْ
كُلْ مَيْدانْ مْدَرَّحْ بَ سِرارْ
قْرا لُوجاهْ وزَنْ لَعْقول
ْمْيَالْ العِينْ تَعْطي لَخْبَارْ
قَرْطاسْ ف نْحسَة مَفْتولْ
لَمْحبة دَارتْ رَكْنة ف الغَارْ
وَبانْ عْوارْ لَكْلامْ المعسُولْ
عيبْ الليلْ فظحوا النْهارْ
وَثُوبْ الغَشْ شْرَبْ ف طُولْ
طبعْ حْماقْ زْلَغْ ب العَارْ
وزورْالقَوَلْ كْشَفْ القُولْ
الفَتْوى مْغلْفة بِ إزارْ
وجْماعَة فَرَدْها مَشلُولْ
للي ظنيتي اعكَُوبتو نبار
ف كرشو لَعْجينة وصولْ
حَاميها وسَرَطْها مَكَارْ
كَثْراتْ لَحْزابْ وفينْ المسؤولْ
بَراوْ السْبَعْ وتَهْمو لَحْمارْ
وشْهَدو الضَّبَعْ وعَزَّا مَقْتولْ
شوها ف الطرقان لامن غارْ
وللي تكلمْ كلاموْمبطول
لْبسنا للي مإسْوا بَ خْيارْ
وب التَّقْليدْ دْخَلْنا لَفْضولْ
غيتْنا يا غَياتْ يانعم الغفارْ
لاصَبا لاعامْ جانا مَكمولْ
وشْتَنا بَ عْجَاجْ لابْسا لَغْبارْ
الامْراضْ سَاكْنة فَمْها مَحْلول
لادم لامحبة لاجار لاتيقار
ضعِيفْ الحالْ مَهْمولْ ومَهْمولْ
منْ قْصَدْناهْ حَالْنا دَوَّقْنا لَغْيارْ
شاهَرْ سيفو إخَوَّفْنا ب الغولْ
ف صْغَرْنا وكبَرْنا رَدينا لمرار
جَلْدنا تقَّشَرْ تَقْشار الفُول
لمْعيشة ضنْكا وتَحْتْنا مَسمارْ
تْسداتْ البيبانْ وزادو لَقْفول
واكثَرْ الهول ولعْقَلْ احْتارْ
لَكْلامْ كثيرْ واشْ المعْمولْ

البعليوي عبد السلام