زَبْلَتْ لَبْلاَدْ.
طُوبْ وَحْجَرْ
وَالْكُورْ لَ لِِّيلْ.
حَنْ بَجْهَرْ
حَالَفْ مَايْهُونْ تَعْسِيرْ
فَ زْمَانْ الشَّمْتَه .
غَارْ لَفْجَرْ
لَحْبَلْ دَارْ.
عْلى عُنْقْ الْغَافَلْ
وِينْ وْلاَفِي.
غَابْ لَخْبَرْ
الْحَافَرْ جَافَرْ.
مَنْ نِيْتُه جْفَلْ
الْخُبْزَة مْبَرْزَة
وَالجُوعْ فْطِيرْ.
لاَزْمُو عْقَلْ
الْعِينْ عَلاَتْ شُوفْهَا
الدَّارِي بَ الْخُوفْ خُوفْهَا
وْلاَزَمْ تْشُوفْ
الطََّارَه؟؟
تَرْمِيهَا الَْكَارَه
لَمَّاسَمْ حَامْيَه.
خْيُولْهَا عَتَّارَه
هَا تْنَاوِي جَاوِي
هَا سْبُوبْ.
اخْبَارْهَا غَاوِي
هَا السَّرْبَه عْطَبَه
عَلاَمْهَا اعْمَى
بَارُودْهَا خَاوِي.
هَا الْمَلْحْ أحْ
لَجْرَاحْنَا يْدَاوِي
يَا دُوكْ النَاسْ
نَصَّابْنَا عَادْ فْقِيهْ
بْلاَ قْلَمْ بْلاَ دْوَايَه
فَكْرُو مْغَارَه. حَرْفُو مَهْمَازْ
يْوَرَّتْ لَكْرُوبْ
يْجَسَّدْ لَهْرُوبْ
كَأنُو تْرَابْ لْعَقْبَاتْ
الدَّمْعْ فَاضْ مَجْرَاهْ
وَالرُّوحْ .
كَلْمَه بَنْتْ فَمِّي
فَحْشَايَا سْفِينه.
فَ عْمَاقْ اللَّجَّاتْ
يَا اهْلَ اللِّيلْ.
لاَبَدْ مْنَ صْبَاحُو
إمْتَى يَشْرَبْنَا الضُّو
وَتْعُودْ للاَّمَه مْحَزْمَه
تْزَكْلَمْ لَقْمَارْ فَ رْمَى
مَا يْرُومْ رْكَابْنَا رْقِيمْ
مَا يْطَبْ احْلاَمْنَا رْجِيمْ
مَنِْ كَفْ كْفُوفْنَا.
نْزَرْعُو بَدْرَه
مَنْ عَرْقْ جْبِينَّا .
نْفَتْحُو زَهْرَه
مَنْ دَمْ قْلُوبْنَا.
نْكَوْرُو كَمْرَه
الْحَقْ يْصِيرْ.
جْبِينْ ضَاوِي
كَ خْدَلَّجْ
يْقَبَّلْ سَالَفْ سْمَا.
الزجال: حميد تهنية/فاس

هَا تْنَاوِي جَاوِي
هَا سْبُوبْ.
اخْبَارْهَا غَاوِي
************ تحياتي
جميل اخي الممتاز السي حميد تهنية

،زَبْلَتْ لَبْلاَدْ.
طُوبْ وَحْجَرْ
وَالْكُورْ لَ لِِّيلْ.
حَنْ بَجْهَرْ
حَالَفْ مَايْهُونْ تَعْسِيرْ
فَ زْمَانْ الشَّمْتَه .
غَارْ لَفْجَرْ
لَحْبَلْ دَارْ.
عْلى عُنْقْ الْغَافَلْ تألق ورقي أخي المبدع،مزيدا من العطاء أخي.

شكرا لك اخي العزيزالمبدع حميد تهنية
لقد جعلتني اسيرا لروعة أسلوبك وحرفك
بل مبدع بحيث جعلتني ادمن على قصائدك
كل الود والوفاء