أنْتَ شْكُونْ؟
سَرَّكْ غَامَضْ
قُلْ لِي آشْ تْكُونْ؟
زْرَعْتِ فْ قَلْبِي دَمْعَه
بِهَا نْفَكْ خْبَالْ الْكُونْ
مَنْ شَمْسْ أنْتَايَ خْرَجْتِ؟
وَلَّى مَنْ ظْلاَمْ؟
تَرْوِي .
بَ الصَّابَا جْمَرْتِي
حَارَتْ فِيكْ لَفْهَامْ
فَرَّزْ لَقْوَالْ؟
يَا السَّاكَن فَ عْمَاقْ الرُّوح
الْغِيمْ فَ صْدُورْنَا تْكَلَّمْ
وَالنُّوْ جْفَاه
مَالْ حَرْفْ اللِّيفْ .
شَارْ بَرْقُو
مَا رَامْ لَ للُّوح
يْظَلْ بِينْ لَوْقَاتْ هَايَمْ
مْخَتَّلْ فَ شْقَاه
شُوفْ .
كِيفْ الرِّيحْ زَادْ بِنَا
يْحَزَّمْ بَ رْيَاحُو سْفِينَه
يَرْقَصْ عْلَى نْغَامْ سَنْتِيرْ
لْعِينْ الْكُونْ شْكَى سْرَاحُو
يْطَبْ بَ لَمْحَلَّه جْرَاحُو
دَمْعُو كَ مْيَاهْ فَ غْدِيرْ
صْيَاحَكْ .
مَثْلْ لَطْيَارْ عَلاَّ
وَفْ دَ جْبَالْ حَطْ رْحَالُو
يَحْكِي عْلَى زْمَانْ وَلَّى
سِيفْ الظَّلْمْ دْمَى رْجَالُو
أنَا وَالْجَدْبَه دَرْدَبَة فْرِيدَه
هِيَ رْمَاتْنِي .
عْلَى جْنَاحْ نَغْمَه
وَأنَا دَرْتْهَا .
فَ دْوَاخْلِي وْرِيدَه
يا سيَّد لَكْلاَمْ
سْألْتَكْ لَلَّهْ قُلْ لِيَ؟
وَاشْ أنْتَ كَتْبَه فْ جُوفْ لَقْلاَمْ؟
ولاَّ طِيفْ مْعَانْقْ حْلاَمْ؟
ألاَّ..
أنْتَ نَسْمَه
أنْتَ بَسْمَه
أنْتَ كَلْمَه تْحَلَّقْ فَ سْمَا
أنْتَ لَكْنَاوِي.
.لَكْنَاوِي.
.لَكْنَاوِي....

زجلية في المستوى وأكثر استمتعت بقراءتها شكرا لك أخي الزجال حميد تهنية

أحييك اخي العزيز المبدع حميد تهنية
قصيدة زجلية متميزة
قرأت كلماتك بشغف
تحياتي القلبية لك

يا سيَّد لَكْلاَمْ
سْألْتَكْ لَلَّهْ قُلْ لِيَ؟
وَاشْ أنْتَ كَتْبَه فْ جُوفْ لَقْلاَمْ؟
ولاَّ طِيفْ مْعَانْقْ حْلاَمْ؟

الزجال العظيم سيدي حميد تهنية دائما تأتينا بالرائع تحياتي اخي المبدع

الاخ عبد الحميد
تهنئة
استمتعت بهاته الزجلية الجميلة
اتمنى دائما ان اقرء لك الجديد
تحياتي وتقديري
اختك فتيحة رشاد

مررت من هنا لأحييك أخي المبدع عبد الحميد تهنية،تألق
ورقي أخي.

تحية خالصة اهديها لكل احبتي.وللصديقة فتيحة رشاد.املي ان يجمعني الله بكم على ذات قصيدة ذات مساء او صباح