بْلاَِدي ..
كْفَانَا نْفَاقْ وَزْوَاقْ
كْفَانَا .
كْدُوبْ عْيِينَا
الْحَقْ كَفَّا .
وْمَا بْقَاتْ خْلاَقْ
تْعَلْمُو الْقَسْوَه فِينَا
عْدِيمْ ضْمِيرْ إلَى فَاقْ.
وَنْسَاقْ
وَاشْ حَرْشُوهْ عْلِينَا
بَ لْهِيفْ وَللَّهْفَه .
غَايْتُو تَحْقَاقْ
عَبَسَ .
وَفْ كَرْشُو لَعْجِينَه
بْلاَدِي فَايَنْ نَاسَكْ؟
غَابُو ..
وَعْطَاوْ بَ لَدْ بَارْ
بْلاَدِي طَالْ هْوَاسَكْ؟
لِيلْنَا مَا عَادْلُو نْهَارْ
بْلاَدِي التَّنْكَلْ سَاسكْ؟
كْفَانَا مَنْ لِّي جْرَا وْصَارْ
بْ لَمْحَبَّه يَتْحَدْ بَاسَكْ
وَيْعُودْ لَمَانْ فْ لَوْكَارْ
بْلاَدِي فَ فْرَاحَكْ هْنَايَ
مَاتْقَدْنِي بَسْمَه وْلاَ كْلاَمْ
أنْتِ عْلَى لْسَانِي غُنَّايَ
تَشْهَدْ بِهَا لَفْنُونْ فْ لَرْسَامْ
بْلاَدِي فَ سْعَادْتَكْ رْجَايَ
وَرْدَه فَايْحَه .
بَ عْبِيرْ وَنْسَامْ
أنْتِ نُورْ .
سَاطَعْ فَ سْمَايَ
مَا تْوَصْفُو.
رِيشَه وْلاَ قْلاَمْ.

زجلية معبرة و مغناة ..رائعة
سلم فكرك وسلمت يداك اخي الزجال: حميد تهنية
...................................تحيتي وتقديري ، اخوك : الحسن ولدالمسكين

اخي العزيز المبدع حميد تهنية زجلية متقونة راقتني ونالت أعجابي
كلمات واسلوب عذب وبصياغة جميلة
تحياتي وتقديري

الاخ الفاضل حميد تهنية الغيور على بلاده .انت ككل محب لوطنه
تحب الخير لوطنك .نحن نتفائل خيرا لهذا البلد السعيد .
احي فيك الروح الوطنية
مودتى

محمد منار

لكل احبتي .سيدي سعيد وسي عبد السلام البوعليوي .للاخت الغالية سعاد فايز.والحبيب محمد منار.والصديق لحسن اقول.اشكر لكم هذا الاعجاب الذي لن يزيدني الى اصرارا على مواصلة الطريق على درب الابداع.احبكم اقدركم.احترمكم.

مررت من هنا لأحييك أخي الجليل الزجال المقتدر حميد تهنية
على هذا الشلال الرقراق، إبدعت وأمتعتنا أخي تألق ورقي.