منتديات دواوين الثقافية و الأدبية

مقدمة :
قبل أن تقرأ أخي الرجل ، أختي المرأة ، هذه القطعة ، فليعلم كل واحد منكما أنها لا تعني أي امراة وإنما حي من نسيج الخيال . فالمرأة نصف المجتمع ، فإن صلحت ، صلح المجتمع . وهي أمي وأختي وزوجتي وابنتي . مع احترامي لكل امرأة .

لكن لا أنكر ، أنه من مدة ومنذ أن سمعت الأخت فتيحة المير، الزجالة المقتدرة ، في قصيدتها الهجومية على الرجل ، والفكرة لم تراوحني في كتابة قصيدة رجولية .

وكما قلت ، فإن الرد ، يجب أن ينخصر في الصراع الأدبي و لا شيء غير هذا .

عنداك أخويا

عنداك أخويا ، ثيق بواحد لمرة
قلبها،ف لحديث،ارطب من الهبرة
وضربتو،ف الدقة، اقصح من الحجرة
كلامها ، ف الحب ، غير هضرة
ديما مفتول أ مشوط بحال الظفرة
تعسلو حتى يولي حلى من الثمرة
وتشكي عليك:زهرها خاسركل مرة
شحال من واحد طيحها من شجرة
وتبهت ، وهي غير جرحة من عترة
وتقول ليك،قانعة بك راجل وخى بالضرة
ما طالبة صداق ولا جاه غير السترة
ويلى سخاك الله ،ف صبوحي ،غيردرة
حنين بغاتك،وخيالك ف كل نظرة
تبقى فيك ، يلا نزالت غير قطرة
بكلامها،القرعة تشوفها بسوالف شقرة
أ بعينين زورق،تبان ليك، وخى عورة
وتبقى عليك حتى طيحك ف حفرة
ولا تعاون بعشوب تحرقهم ف المبخرة
وحيث تتمكن،تنشرك فوق المنجرة
وما تطلقك حتى تردك صغر من الذرة
قدام عائلتها،كن فوق الطعام خضرة
ولكن ،كن سخي وخوي الشكرة
أ من عروقك،تحلبك بحال البقرة
أ خصها تكون ديما ف الدار مديرة
تصبح ناعسة،أ ف النهارما تزوق صورة
ما حادكة،ما تعرف دير حتى مخمرة
أ كل صباح،باش تفطر،جيب كميرة
أ ف الغضبة ،تقول ليك،هذي غيرالغيرة
أ متهنى عليك ،حتى توصلك لمقبرة
هاديك الساعة،تشطح ف الحضرة
ولا بسكر،تطلعك جلالة غلظ من القشرة
ولا ف الفراش، تبق عليل أ طويل الغررة
ما تحن فيك ،غير لي كانت رابطك بالسرة
هاد لقوال ،ما هي غير لمرأة مشمرة
كتفصل الراجل أ تخيطو بإبرة مزنجرة
الحمد لله،امراتي مكانتش بحال هاد لمرأة
أ غيرها ،ما نكر ،عيالات زينات النظرة
حادكات، أ رزينات ،حسنات مستورة
يلا تكلامو ،كلشي يذوق حلوة النبرة
غبتي و لاحضرتي ، شوفتهم معبورة
يلا حطيتهم على الجرح،بسمايت الله،تبر

الجمعة 25 ماي 2012

حـمـيـد الـصـنـهـاجــي

أستاذي الجليل حميد الصنهاجي ..أشكرك على بوحك والذي أعادنا لزمن شعر النقائض بين جرير والفرزدق...تصوير كاريكاتيري ...دام لك الابداع ..وتحية لكل النساء ...مع كامل المتمنيات لك أستاذي

الشيخ العجوز البوهالي

أخي البوهالي ( وليس العجوز )
أشكرك على الرد وعلى تشجيعاتك المتواصلة . مع تحياتي لكل امرأة تضع نصب عينيها سعادة أسرتها . والله يهدي شي وحدات .
متمنياتي الخالصة

كايقولو الخير مرا
والشر مرا
والراجل؟
واش غير تفاحة وطاحت من شجرة؟
حتى زمان ما خطاوه جوادو
وولاد حوّا وآدم
هوما هادو

تحياتي لك اخي الصنهاجي

الأستاذة المحترمة فايز
شكرا على المداخلة . ردك يوحي بالدفاع عن تلك المرأة . وكتعقبب أقول :

الخير مرة و الشر مرات
والراجل ما طاح من شجرات
هي لي كلات ا خرجاتو من الجنة
ا رماتو ف الدنيا ، ا تنزل دمعة

مزيدا من التألق

نص جميل وممتع
دمت مبدعا ودام لك حب الابداع
تحيتي لك

عفوا اخي الصنهاجي
القرآن اخي يقول: فازلّهما الشيطان...
اي تكلم بصغة المثنى
فلم تلام المرأة وحدها؟

الأستاذة المحترمة فايز

لا أبغي من المناقشة جدالا . وأنا لا ألوم المرأة ، بل امراة لها تلك المواصفات . راجعي من فضلك المقدمة .

فهذه مشيأة الله في خلقه . والله تعالى خلق ، من كل شيء ، زوجين لحكمة ، وحده يعرفها .

وأحيلك على محتوى ومعنى قطعتك الزجلية التي رددتها في محافل عدة . هههههههههههههههههههههههه

تحياتي الأخوية

أخي بنعيسى الحاجي

أتشرف برأيك . فما أنا إلا تلميذك

تحياتي القلبية

» بمناسبة عيد الأضحى: عنداك تكون هذا أنت....