التخراب ماشي لعباد
خرب الأرض جمع لحصاد
هرس الشجر جمع لعواد
سمر لمسمار يترخى ويتزاد
بيني وبينك
تخراب والتهراس إصالح لحباب
وتمسير وتسمير إرحم عل لجداد
ياصاح سمعني او كون عاقل
راه لفتنة سبابها لعناد
تنازل وتساهل
تكون مصواب
سل لعيب بلا عيب
راه كلنا عباد
لا يكون لسانك جمرة لجمر يتزاد
دير لخير بالخير
لا تنوي لعذاب
لا تحسن بلا ماء
إكون كلامك حجاب
مضي سنك لخبز
ما شي لتعضاض
لا تسمع لقول وتزيدو شهاب
حمر خضر فوت تسواد
تلميذكم : طارق أمغار
الرئيسية
موضوع: التخراب ماشي لعباد 
الثلاثاء 10 أبريل - 2:33
