الفهمـــــــــــــــــــــــــــــا

ظلام الليل حد ما وصل لكلامُه
معانيه بحور حيّرت العلما
شغل الناس ..كل واحد بحلامه
فْحْضْن الديجور تقادف وترامى

شي على الدوام يبرّ القيّوم
عبادة سلكة وكرامة
شي بالمدام وداك المعلوم
أنخاب عاطى الندامى
عل لحدود رجال فصفة الأسود
يحميوا عرين النشامى
واخرين فالشتا وبرق ورعود
عوضوا الوحشة بمنامة

إذا كان وحشة لليل
فوحشة لقبور شحال من ليلة مظلامة
واذا كان للدنيا ليل
ليل السجون خابروا عليه الزعما
والكفيف شحال لِه من وحشة
فنهار الدنيا دايمة ليوم القيامة
أما الكّلوب اذا عمت يا ويل
عمت لبصاير ماتت لعقول ربما

كثرت القيل ما تفسر نظام الليل
ولا كتب ونغمة ودراما
وان كنتُ قادرين تجاوبوا بقليل
سارعوا نطقوا يا الفهما