بغيت ننسى مكاين لاش نتفكر
اخوتكم الملوتة بالغدر
ما بغيت نسمع كلام بالسم معطر
نهار حاجتكم تعيشوني نهار منور
ونهار نقول بغيت خويا الكل يعطيني بالضهر
خليتو قلبي من قساوتكم تدمر
نسيتو حق اليتيم والشرع بغيتو على هواكم يتغير
وياكم مال الدنيا بيكم يغرر
راه نهار يطيح اللي طغا وتجبر
من بعد مايضيع مالو وصحتو تتدهور
صدقوني ما يهزو غي خوه اللي عليه تهور
طيبة القلب عيب كبير خلى حالتي تحير
شي من الخوت اللي قلبهم بالطمع معمر
شي من هموم الدنيا وقلة الزهر
بقيت وحدي نبكي ونتحسر
نطلب الله على بليتي وكيتي يرزق الصبر
الوجيعة كبيرة والقلب تكسر
ومايحس بالمزود غي المضروب بيه للضهر

الاخت الكريمة نادية حمزاوى ما قلتيه هو الحقيقة انه زمان يحير
يجعلك تفقدين الثقة فى اقرب الناس اليك
قال الامام على كرم اللغ وجهه
ما اكثر الاخوان حين تعدهم
لكنهم فى النائبات قليل
احييك على هذا الموضوع الاجتماغى

محمد منار

اختي الفاضلة المبدعة نادية حمزاوي
دمت رائعة الطرح وافرة العطاء
أكاليل الزهر أنثرها في صفحتك
مع خالص تحياتى وفائق تقديري

اشكر لكم مروركم الغالي اساتذتي الكرام اسعدني مالقيته من قبول لديكم في موضوعي البسيط لقد اسعدتموني وشجعتموني لأن هذه أول مرة اتجه فيها الى الزجل وكنت خائفة ان أفشل انه مولودي الاول ويسعدني انه نال اعجابكم