هي معاكم بالله و بالشرع

مزين بلادي كون ما طفا الشمع
مزين بلادي كون ما غرز الضرع
مزين بلادي كون ما شوكَ الزرع
يا بلاد الزريبة و الكَاعة
خرفانك فرقوهم الوزاعة
مونتك كالوها الطماعة
من الله ومنك
عوافيك زاندة
مازالتي شادة
بهمك راكًدة
فشونك رافدة
قيلوها يا لعدا باراكا
حيطمتوها ب الهرماكة
واطيتوها ب الدكاكة
باراكا باراكا باراكا
يا اللي لا عندك عين تدمع
ولا كبدة ولا قلب يخشع
يا اللي م تشوف م تسمع
يا اللي م تحن م تشفع
يا اللي تحضد و م تزرع
بلادي معاك بالله و بالشرع

مزين بلادي كون ما طفا الشمع
مزين بلادي كون ما غرز الضرع
مزين بلادي كون ما شوكَ الزرع
يا بلاد الزريبة و الكَاعة
خرفانك فرقوهم الوزاعة
مونتك كالوها الطماعة

أحييك اخي العزيز الاستاذ محمد الحبيب العسالي
قصيدة زجلية متميزة لغة و بوح
قرأت كلماتك الشعرية بشغف
ورأيتها تعكس روحا شفافة تقف وراء
كل حرف و كلمة
تحياتي القلبية لك

لك موصول الشكر على المرور الطيب ،الذي تبادر دوما إلى السبق إليه،أخي العزيز سعيد محمودي.

قصيدة رائعة شكرا اخي الزجال محمد الحبيب العسالي

الزجال المقتدرمحمد لحبيب العسالي،شكرا لك أخي هذا
الإمتاع قصيد جميلة ومثيرة مودتي.

اخي الكريم العسالي
كنت رائعا هنا
باراكا باراكا باراكا
يا اللي لا عندك عين تدمع
ولا كبدة ولا قلب يخشع
يا اللي م تشوف م تسمع
يا اللي م تحن م تشفع
يا اللي تحضد و م تزرع
بلادي معاك بالله و بالشرع

تحياتي
وتقديري
اختكم فتيحة رشاد