خليك معايا
م - خليك معايا
بلاش ما تروحي
وجودك حدايا
يسعد روحى
س - بعادي عليك ماشي بيدي
فرضاتو عليا ليام
لي كسّرات مقادف جهدي
ودفنات كل الاحلام
م - خايف تمشي و تنسانى
و انت عارفا لوعة لفراق
فكري ف همومى و حزانى
يمكن ف بعادك نحماق
خليك معايا
س - انا لا يمكن ننساك
وندوّقك حر لفراق
وحزانك بين ضلوعي طالبة لفكاك
وصراخها تعدى ّالحماق
م - علاش قلبك بغى يهجر ؟
و الخير ف بلادنا موجود
قولي له بلاش ما يسافر
خفت عليه يصبح مفقود
س - قلبي مسكين بلا ما تسال عليه
خير بلادو تنكّر ليه
خليه يسافر ويقلّب عليه
يمكن الحظ يبتاسم ليه
م - اش نقول لقلبى انا ؟
ما نقدرش نكذب عليه
نقوله يمكن تغيبي سنة ؟
و لا ف الغربة تسمحي فيه ؟
س - قلبك قولو ما يحقد عليا
شحال ما طال غيابي لازم نرجع
جدوري فبلادي تنادي ليا
وكلامها لابد يتّسمع
م - كيف يمكن نقنع دموعى ؟
نقول ليها ما زال تعودي ؟
شكون بعدك يشعل شموعى ؟
شكون ف غيابك يسقى ورودى ؟
خليك معايا
س - تيق بيّا غادية تنشف الدمعة
لمّا يوصلها مكتوبي
يقول ليها راني راجعة
نشفي جراح محبوبي
ونشعل الف شمعة
ونزين بالورود دروبي
محمد منار
و
سعاد فائز
الرئيسية
موضوع: خليك معايا لمحمد منار و سعاد فايز 
الثلاثاء 24 يناير - 21:20
