أود المشاركة هنا بهذه المحاولة البسيطة في إطار الزجل أتمنى أن يقبل تطفلي واقتحامي هذا الجنس الذي يروقني سماعه من رواده فاقبلوا يا زجالي منتدانا هذه المساهمة وانتظر ملاحظاتكم وتشجيعاتكم .هي محاولة زجل لها إطارها وظروفها الخاصين.[center] بغيتي لفلوس وترتاح
راه مشي بالنعاس تربح
أو بلفشوش يا حسراه.
مرَّة بسبة أنا مشي بحالكم
ومرَّة أنا مريض وعيان بصَّح
العجب ما بغيتي تحشم
دارو ليك الخاطر
عينوك فالإطار
عَيَّبتها وبان أنَّك ما قادر
شافو ليك حل
وعييتي ما تهضر
وبلفشوش ,ما رضيتي به
هو معاك ضعيف والزميل معاك شريف
وأنت يمكن قبيح
دبَّرتي العلة وادفعتي الحجة
واكثرالطمع عندك وكثرت الهضرة
حتى لين بالغش تحرَّم رزقك
التلامذ ضاعو و هذا مشي من حقك
والضد مع زميلك هذاك راه صديقك
يمكن فيوم م ليام يحميك
أولاّ أنت عندك الكتاف تشفع ليك
أفيق راه هذا زمان الفايس بوك
ما دوم كتاف ليك
ولا بقى معانا مكان ليك
عيينا واكرهنا الغش اللي فيك
ماشي ضعف
ماشي خوف
بصَّح شوف تشوف
لا هنالالهيه
كل شي ولاّ معروف
ولا من يقول :
اللهم هذا منكر
هو ما بغايخدم
ولا يحشم
ولا يعرف اللي تعرف
قالو زمان:ما دير خير ما يطر باس
قلت :عيب خاص ادير الخير
وما يطر باس
سمعوها ناس
واستغلوها بلا قياس
راعينا الحال وغمضنا عينينا
وقلنا مافيها باس
طغا وما حشم و قال بخاطري
معاكم نخدم
جا بحالو يتكلم
بصوت عالي أنا اللي نفهم
مريض وعيان وبغيت نستافد إلى نخدم
تكلمت مسكينة وقالت :إو أنا نحشم
يمكن مرضي ما عندو أثر غير نخدم
قال ليها: آه ما اسمعت رفعي الصوت
قلنا لو:اسمع وزيد اسمع
كلنا نرفع الصوت ونقول ما بقى تفاهم
كل واحد يتحزَّم ويجي يخدم
ولاد الناس أمانة أحسن ما تندم
اللعب والضصارة ,راه كلشي كيفهم
واحد يراغي ويحشم
ولاخور يتلاعب عند راسو فاهم
فين القانون فين العفة
فين التضحية فين اللازم
ما بقى ما يعجب.
حفيظة نسيم