أش داك للهبال ..
حتى يطبولك ف الغربال...
ياداك الفرفاررد بالك ..

هاالعار......
بين مقص ومقص
مطرقة ومسمار..

ستف السن حدا السن..
واللي خرج من الجماعة شيطان..
هكذا قال الحال....

لاباس لاباس..ماكين باس..
يفيض عل بوها بحر..
اش داك للدحاس.؟
على قلت لقهر..

العفوا أبا أبا...... العفوا
من شيطان..براس ولسان..
من النار بلا دخان..

السم ......سار........ف عروق الانسان..
لمحبة رغوه ف اللسان..
وجه الخز ماتخفيه سنان..

تكمش ياداك القنفود..
ولا نجيك بعصايا كود..
بحرف..
مطحن ف حجار لقهر
حكمه ...للعاقل
للغشام..

قرطاس ومكاحل

ايوا زيد هضر
شوفه واسعه بالنظر
مضى من سيف عنتر..

احي واقف يشوف...
مايدهش ..مايركبه خوف
وانت يالغشيم تاتحفرليه قبر..

وماتسالني حلوف..
راه

قليل فيك صفة حلوف

أخزيت..
من كلمه كحل من قطران
اخزيت من شيطان لابس انسان
ا
وحرفه زبط منتوف


خزيت من الزفاط والهتوف

ياصبري زيدني صبر
أش يكون يحصر الما..؟
من غير قليل لفهامه..
ولي واحله عينيه ف الشفر..

وتايدخل ف الكلوف

ماكان علي بكلام..
سولت حدسي قالي نعام..
بعيد عليك البلا والباس..
وقلة النعاس وشر النمام..
والحفير ف الضهر بالفاس

سمع نقوليك كلمه
قصيدة عامره حكمه...
بغيت منك شبر
باعد من سوقي
رني نخرج ليك من عروقي
لفعه تعض بلا لسان
قرطاسة ماتخطي حجل
حصاد وفيده منجل
نشبه فيها توحل..
حرف كتفانه جبل..
يده طويله حبل....

يخنق النفاس...يبيتك بلا نعاس

مايحيي مايقتل

لطيف ظريف..
قاسي مايعف

ناضي ..ماضي.
كبير ماكبير غير الله

عساس بعينيه حاضي
طير حر..

ساروت ..يدير منك قفل
صابر...راضي...

وشبعان صبر
طالب السلم والتسليم
ملي تأديه ينقر

ضربته مايشوفها غشيم
يزبر بالبا ..يدبح بالميم


حنين ف لي يبكي بالدم..
رحيم باللي عاش ف الهم..

عارف اش تايتبع الجيم..

حاني راسوا
تايقدر ناسوا

مايبغي يكبر مايبغي يفهم..
نيفه للسما
شان ونخوا
عارف زريعة الوقت
ف السوق أش كاتسوا..

تزيد يزيد...معنى قاصحه حديد..
كل نهار سروال جديد

تسكت يسكت..
مامعمره كان عافيه معمره
كان وقيد....

نوصيك ولوصيه ماتحيي ماتقتل..
ويمكن تنفع....الانسان...

ماشي الضبع

لا تجرح سبع..
راه ياكلك وما يشبع

المفضل الياموني

هاد الزجلية الاخ المفضل الياموني راه تتسما الزرب ف الملحون ههههههههههه

تحياتي

المفضل
دائم الحضور بنمطه ذا النفس الطويل
مودتي