الجوع...والنوع
وبلا وبلا ...
والفهامات والدفوع
وجه الحال ماتخفيه هبال..
الدموع ماشي ك حروف الدموع..


*****

الكتابه نوع من الجنون وتلقيح ضد حمق يقد يسبب فيه الواقع

ــــــــ قتلني فيك ياجنوني
حمق بخاطري وشوف بعيوني


مجاعة الجسد سبب ف التخلف
***
هذ الجسده عل الريق
بوهيوف ماشي ف الطريق

آيا يا يا يا

العفوا من الضيق

كر ولا نكر

طلق المكبوت..وخليني نفوت..
نخرج مني نحيى
يشرق النور فعيني نفيق

ناخد طرف من الشمس..
نشعل به نضوا..
ف الليل
نعمر ف الخوا

حق

نلصق فرقبة الوقت
نمشي ف رقبته

روح
مفصله على كتاف البوح
من ليام ندير كمام
الحكار نقطع ليه الضساره
نلصقه سرساره

ونمشي تاويل
رافد ليوم زاطم ف غدا
وشاد الطريق الطويل..
طير طير..
حمامه ماحمامه

يلا صدفت قلقال..
نقول سلاما.
ساكت بلا كلام

ونرميني بعيد ونزيد
ليام ولاده
كل يوم وجه جديد

سمع بالاك
صوت مني خارج
نغمه بلا غيطه بلا تعارج
تايستف كتفانه مع لكتف
ماتيدهش ماتيتلف

كن قالت نعم
النور شعشع نوره
البحر فاض على بحوره

الخندق عنق الواد
الجواد مايعرفهم غ الجواد
كلمه رطبه تنفع
نجمه ف السما تبرق
الغشيم مايقشع

يامربي لحمام..
سمع قول نعم

خليني حداك عمود
حي.

عنقني خوك نعنقك خاي..

المفضل الياموني.

يامربي لحمام..
سمع قول نعم

خليني حداك عمود
حي.

عنقني خوك نعنقك خاي..

سلمت الايادي الطيبة اخي الكريم الاستاذ المفضل الياموني
في الابداع والتواصل المستمر
رائع كما تعودنا منك دائما
مع خالص تحياتى وفائق تقديري