خاي حسن ..السلام عليكم
عرفتي شدرتي انت دابا؟؟؟؟؟
هههههههههههههههه
فكرتيني فشي عام من التسعينيات
يمكن تلاتة وتسعين أو ربعة وتسعين
كنت كنحاول ندير الأغنية العصرية
ولكن ما كملتش وبقيت عاقل على شي كلمات من ديك الأغنية عنحاول نكتبوم دابا


كانت هي جاية فطريقي وانا غادي
لمحت لي بشويفة
قلت هدا أمر عادي
نظرة من عينيها تسلب
وتداوي كل عاشق
اللي مغروم
واللي مفتون بحالي

غادة ............



ههههههههههههههه
مابقيتش عاقل آخاي حسن

صديقي إبراهيم هذا ما سيكون عند عودتي
إن شاء الله،كما قلت وجد ليا راسك.

هاي هاي هاي .....مشيتي بعيد وغرقتي بزااااااااااااااااف أخاي ابراهيم...هههههههههههه
آودي را غير كنحاولو ونخربقو وصافي ....المهم على العموم

السي حسن...در مسالة

ادخل لصفحة الشعر ...عاتلقى تما واحد المحاولة اسمها عفاف
ادا بغيتي لحنها ومللي تجي نحاولو نديرولها شي توزيع موسيقي

وقصد الاستئناس أقترح عليك هذه المقامات
الرصد..السيكا
نهاوند والعجم

والنظر ديالك شف راسك شعايعطيك وخذ راحتك

سعيد بمرورك صديقي العزيز أحمد حمانو
والله قد اشتقت إليك كثيرا أخي تقبل مني
أحر السلام ولا تطل عنا بغيابك العميق
على الأقل نستمتع لهمساتك الشعرية الرائعة.

خاي حسن الباز..واقيلا ما شفتيش شنو كاتب لك الفوق غير هنا قريب؟؟؟؟؟؟

قصيدة جميلة
دمت اخي منارا
لهذا المنتدى
تحياتي وتقديري
اختك فتيحة رشاد

أسمعني مزيان أخاي السلطاني،باش نقدمو شويا
الشغل،سير للمعهد الموسيقي واسأل عل المرزاق
محمد من أعز الأصدقاء لي عندي أظن أنك تعرفه
أولا أحمد حمانو يدلك عل هاتفه،وتمرن معه عن
هذه الأغنية في مقام ( لحكاز على ري) ونا سأحاول
بدوري ،وهكذا كيف سيتم العمل بيني وبينك،المزاق
يرسملك المقام انت تمرن،وإن لم يلق بك حسب الطبق
الصوتي فلا بأس أن تغيرمقام النوطة واعلمني علاش
نتمرن المقام النوطة.

تشرفت بإعجابك لقصيدتي المتواضعة أختي
الغالية فتيحة رشاد، إلا أنها تخبلت عند تعديل
بعض الأبيات شكرا لمرورك أختي.

هههههههههههههههههههههه
خاي حسن ....محمد مرزاق النهار اللي مكيشوفنيشي فيه الغد ليه على الصباح كيتصل بي بالهاتف...هو يلازمني فنيا كظلي...ويسمي نفسه ـ الثمل بخمرة أصداء ـ وقد أطلق علي لقب ـ سلطان الزجل ـ لكني أرفض هذا اللقب و أقول له مداعبا ـ هد سلطان الزجل عندك دايرة بحال سلطان الحوالا اللي كيكون عندو أربعة قرون وانا عندي غير جوج واحد دالموسيقى وواحد عنطحك به ـ هههههههههههههه

من جهة أخرى أنا طلبت منك أن تبدع لحنيا في النص المعنون عند ي ب ـ عفـــاف ــ هو منشور في صفحة الشعر ..مكتوب بالفصحى ولحنه يجب أن لا يكون بينه وبين الحجاز غير الخير والإحسان..لأن الحجاز بطبعه يغلب عليه الشجن ولا يفوقه في ذلك سوى مقام الصابة...أما عفاف فإن موضوعها فيه من التمرد والانفلات الثوري والتجادب مع المخاطب ما يجعل مقام الناهوند والكرد وعموما المقامات التي لا يدخل ربع الزمن في تركيبتها...وجوازا مقامات السيكا والرصد... أنسب لوضع لحن لها..ولكم واسع النظر ......غير هد النقاش وراحنا رابحين عسااااااااااااااااك ادا تلاقينا....هههههههههههههههه

أخي السلطاني ظننت أنك تكلمت عن قصيدة
(بنت لحلال) ،سأتطلع عن قصيدة عفاف وأرد
عليك بأي مقام تنتسب بين المقامات الأربع
لي عرضت عليا.

أجل أستاذ الغالي إبراهيم ما أحوجنا لمن نستفيذوا
منهم أكثر في هذا النشاط الفني،ما نحن إلا مبتدئين
وشيأ ما من الإجتهاذ.

الضريسي الباز حسن كتب:

حكايتي ليكم البارح
غادي مسافر جوال
الدنيا ضحكت ليا
صادفتني بنيا
غاية ف الجمال
ملي شفتها زركت عينيا
كلمتها وتلفلي لحساب
سهيت بالنظرة
ولعقيل غاب
طال صبري
واش المعمول
يا لحباب
كلتلها يا شابة
بغيت نسالك
عل حسن اخلاقك
وجمالك
كالتلي غير تهن
وريح بالك
حدك تمه
مخطوب وماش
ديالك
كشفت البسمه ف عينيها
وتزاد الأمال
مشموم الورد ف يديها
زادها سر وجمال
طوله وتجريده
ولباس عربي أصيل
ضريفه من نوعها فريده
وشعرها مسرسب طويل
كلتلها لبنيا صدقي كلامي
البارح شفتك ف منامي
نجمه مضويا ف سماك
ليوم لكيتك كدامي
بقربك نحقق حلامي
وتسعد يامي معاك
نعيشو وقاة زاهيا
واخا ف قصور خاليا
ما كاين باس
الحب جوهره غاليا
نكولوها بصوات حكايتي ليكم البارح
غادي مسافر جوال
الدنيا ضحكت ليا
صادفتني بنيا
غاية ف الجمال
ملي شفتها زركت عينيا
كلمتها وتلفلي لحساب
سهيت بالنظرة
ولعقيل غاب
طال صبري
واش المعمول
يا لحباب
كلتلها يا شابة
بغيت نسالك
عل حسن اخلاقك
وجمالك
كالتلي غير تهن
وريح بالك
حدك تمه
مخطوب وماش
ديالك
كشفت البسمه ف عينيها
وتزاد الأمال
مشموم الورد ف يديها
زادها سر وجمال
طوله وتجريده
ولباس عربي أصيل
ضريفه من نوعها فريده
وشعرها مسرسب طويل
كلتلها لبنيا صدقي كلامي
البارح شفتك ف منامي
نجمه مضويا ف سماك
ليوم لكيتك كدامي
بقربك نحقق حلامي
وتسعد يامي معاك
نعيشو وقاة زاهيا
واخا ف قصور خاليا
ما كاين باس
الحب جوهره غاليا
نكولوها بصوات عاليا
عشقتك يا بنت الناس
يدي ف يديك
نحميك ونصونك
ونسافرو بعيد
ودع اهلك واحبابك
هيا نكشفو
عالم جديد
عشقتك يا بنت الناس
يدي ف يديك
نحميك ونصونك
ونسافرو بعيد
ودع اهلك واحبابك
هيا نكشفو
عالم جديد

قصيدة جميلة ياأخي الفاضل الضريس الباز حسن. حبدا لو وضفت شيء من البلاغة حتى تعطى لزجلك نكهة خيالية أكثر . وفقك الله .

شكرا أستاذ الغالي لحسن باديس لهذه الإلتفاتة
الطيبة حول قصيدتي المتواضعة هاته،وما
أحوجنا أخي لمن يدلنا إلى التوجيه الصحيح
من أساتذة متمكنة بأمثالكم ،شكرا لك مرة أخرى
وأعيدك بالإجتهاذ في قصائد مقبلة بحول الله.