كاسي يا كاسي



شراتني القرعة

وشربني الكاس

ولخمر بيا سكر

همومي قطعة

لمرورتو تهراس

والليل فيا سهر

وانت يا كاسي

من بعدك ما تما كيسان

كيف تنسيني ناسي

وتكَدي ذاتي بالأحزان

كنت تمشي بلقياس

طريقة باينة معبورة

واليوم علاش تمساس

وتسقيني الحدجة ولمرورة

خليتيني ضحكة وسط الناس

رديتيني خربة مهجورة

قتلتي فيا الإحساس

ورميتيني فمطمورة

مطمورة غارقة د النسيان

مجرد فيها من سلاحي

فيها لفاع هازة النيبان

باغا تسمم جراحي

فيها نسور ضارية

فيها شلا غربان

نبكي ونصيح نوقف ونطيح

ولا من يسمع صياحي

تلفت فيك سواري

وصروفي د الميزان

ما فادني شكايا

ما فادني نواحي

وانت يا كاسي

من بعدك

ماتما كيسان