الزواج بحر.. خصّــك تكون سبّــاح

الزواج صبر.. عمّرك ما تگول: آح

الزواج زهر.. رمّــانه مغمضه
إمّا تكال ولاّ تلاح

الزواج سفر.. طريقــو طويــــلة
زيد ف لخطوه ولا تساراح

الزواج، جمر.. صات الريــح زند
مشا الريــح هـبا وراح

الزواج عمر.. عش عمرك
مرّة يرطاب مرّة يقساح

الزواج قبر..ف الدنيا
لابـدّ منّو يا صاح..

الى صديقي العزيز الذي تجاوز الاربعين من العمر ولا يريد أن يتزوج

..

والله اخي السعيد بن العيدو رسالتك هاذي ماغاديش تشجع صديقك اللي تجاوز
الاربعين ولم يتزوج خصو يكون مغامر باش يدخل هاذ المعركة وسلاحو الصبر
خصك تقوليه كيفما قالو سيادنا اللوالة ماتقطع الواد حتى تبان حجارو وماتمشي
في الليل حتى يطلع نهارو وما تصاحب صديق حتى تعرف خبارو
راه الزواج هذا اسي السعيد تبارك الله عليك والله يبارك ليك فصحيحتك
تحياتي لك

بارك الله لك هاته الكلمات العذبة النصوحة
أخي وأستاذي السعيد بن العيدود ،و تقبل تحياتي؛

نفحة زجلية جميلة استاذي السعيد..
واتمنى ان تجد ادان صاغية ..
راه لي وصل اربعين عام ..

يعرف
اللي بقاليه غ تخمام
اللهم يزوج والرزق

على اللي
رزق طيور لحمام.

العزيز المتميز السعيد بن العيدود
زجلية معبرة
تبلرك الله عليك
إو غير زيد شجع صاحبك قبل مايمشي التران ويصدق تابعو بالبيسكليت ه ه ه هه ه هه

الزواج زعامة .....فيه الخسران و الرباح
الزواج ندامة ......الى كانت ايامه جراح
الاستاذ بن العيدود لقد جئت بشىء فريد الا و هو الزواج
كل ما قلته صحيح لكنى اتفق مع الاستاذة سارة السليمانى
ان صديقك هذا قد لا يتزوج حينما يقرا زجليتك
دام لك التالق

محمد منار

اخي وأستاذي الغالي السعيد بن العيدود
جميل واكثر من جميل مانقشته هنا
دمت رائعا ومبدعا
تقبل مني خالص الود والتقدير

لى صديقي العزيز الذي تجاوز الاربعين من العمر ولا يريد أن يتزوج
**********************************************************************************
الاخ العزيز السي سعيد العيدود ما تخافش عليه والله لابد ليه منها وخ إدير العكَاز واحد ولد عمي فايتني بعام
وشاب راسو بحالي وملي وصل الاجل اسمع اش وقع ليه معاه ابغيت نشوف رد الفعل ديالو كَُلتْ ليه اش ابغتي شي الزواج ودار فيا لالالا
دخل سوق راسك راه الزواج لابد منو

المهم تحية لك والموضوع مهم واجتماعي واحسنت الاختيار
والله إعطيك الصحة على هاد الخرجات للي تتغفلنا بيهم
تحياتي

تحية للاستاذة الكرام على تفاعلهم مع الموضوع
ولكن يبقى الشكر الاكبر للاستاذ
السعيد بن العيدود
على نسقه الجميل "الي كايخلنا حنا الشباب من الزاوج"
عثمان حسيني