[center]


معشوقتي

معشوقتي
طلبت ليك لعفو
من محاينك
اللي ما بغات تعفو
معشوقتي
شمس عل الدوام
معشوقتي
أطلس وريف
مضمة وحزام
ملوية وسبو
درعة وأم الربيع
شلا ويدان وشام
من هواها
عيني ما بغات تغفو
معشوقتي
لابسة مروج خضرة
زيتون وأرڭان
رمال ذهبية فالصحرا
ماأحلى فيها إفران
لعيون فيها تلفو
معشوقتي
سارت بڭرة حلبوها
والجناوا من كل جيه
معشوقتي
ولادها هجروها
حارڭين للهيه
لهيه.....لهيه
ولهيه كاين التيه
ولهيه عندو ماليه
معشوقتي
بلبكا هدابها تنتفو
معشوقتي
زِلْڭّت دموعها فخيط
حبة....حبة
فكل حبة سبة
فكل حبة لعبة
فكل حبة قبة
وطوال داك الزلاڭ
معشوقتي
ثيرانها قلال نخبة
وحنا فيها برواڭ
علينا يعفطو ويشتفو
معشوقتي
ڭيدونا فيها بالقهرة
وحداڭو هوما فالشفرة
وكل نهار قصارة وسهرة
لينا الجوع وهوما يعلفو
معشوقتي
عكرو ليها فوڭ لخنونة
التوجيهة زينة
ومن الداخل معفونة
صبرات حتى عيات
معشوقتي ڭالت أتفو

سامق يااخي محمد هنا.

حروفك حادة ....تعاند قتالة الحلم..


اتمناك سعيدا.

أخي الاستاذ الفاضل محمد الدكالي إنك تملك قلماً وابداعا رائعا
رائعة هي كلماتك كروعتك ودائماً تأتينا بكل ما هو جميل ورائع
لك تحية من صميم قلبي

معبر ابداعك هذا دمت متألقا أيها الاخ مودتي