تسمان لحوالا
ربيع شبابي
عشتو فيك خريف
والشتا فيك جاتني
غزيرة وقت الصيف
الظلم فيك مشروع
حالك طير نعاسي
عشت فيك الجوع
عريان فالبرد الڭاسي
منبود منسي مقموع
مهدود راشي من ساسي
مرهوب وديما مخلوع
خايف من خيال راسي
صدري باينا ليه الضلوع
والسوط عليه مطراسي
خدي سارد بالدموع
حالك طير نعاسي
نفسي عليك دارت ثورة
بغات تغير هذ الحال
درت فيك شحال من دورة
لقيت الغش باقي ما زال
ها الرشوة ولات حلال
ها شفرة الخيرات والمال
ها النخوة عند ناس قلال
و أنا فيك واحد من لعبيد
مربوط فسواق الدلالة
من ساوم يصبع ويزيد
كتقلاب التسمان فلحوالا
حتى رجلي ولفت الڭيد
عادت مسرح البعول وغلالة
نبكي بكا الميت آش يفيد
عمات العين والدمع تسالا
نتسنى فيك يوم العيد
ترتاح وتهنا الڭوالة
يطلع فجرك ساطع جديد
يتقادة الطرح ويتسالا[center]
الرئيسية
موضوع: تسمان لحوالا 
السبت 3 سبتمبر - 20:00
