نضرة السمرة
شعلت في قلبي جمرة
نضرة السمرة
شطحاتني شطيح الحضرة
بخروني بالجاوي
خدمو الكناوي
كتبو الحجبات
زوروني السدات
السمرة فية
دارت مابغات
سمرة العيون
ولا سمرة اللون
سمرة القلب
عليها غادي نجدب
سمرة اللون لا سعد لا ميمون
ولي شافته تقول بية مفتون
ضنيتي راسك حاجة وشان
قلتي انا عجوبة الزمان
مغرورة وصديقة الشيطان
سمرة القلب
الله يلعن الي يكدب
زينك عندي ماهو شان
وكلامك المعسل دوزيه باتاي
يالطيف منك والعفو
تابعة الهوى والزهو
يالطيف منك والعفو
وداك الشعر شنهار لك النتفو
غددتيني وجننتيني
ومن النسا كرهتيني
اخ من الزين
الا كان بعقلك
واخ من الراجل
الي يعشقك

جميل ما كتبت وانا اقرء توالت الرنات امتعتنا تحياتي

دام بوحك اخي يكوش جمال
تحياتي
منصور لعميري

أجمل التحياات إلى أخي واستاذي جمال بكوش مررت من هنا لأهنئك على هذا التنوع في قصائدك واصل أخي

أنا سمرة
فأرض بويا ثمرة
و فسماه كّمرة
قصيدة جميلة تحياتي لك أخي جمال بكوش
نزهة سمالي

تحيتي اليك اخي الكريم جمال بكوش
لا تشوف في السمرة
والسمرة ما اتبان وقت الكمرة
وشعبان هذا وكثيرة فيه الحضرة
ولا تكثر الهضرة
وانخاف عليك تلصق في اديك شي شعرة
من راس هاديك السمرة وتولي في س ج
او في هاذ الزمان زمان حقوق الاتسان

او بالاحرى حقوق المراة
شكرا لك اختي العزيزة فتيحة رشاد
وشكرا لكل الاعضاء

كلامك المعسل دوزيه باتاي..

وكلامك يا استاذي..شربتو ** صيك** بلا اتاي وترويت ....الله يعطيك الصحة على هذا الابداع.