الكبدة.. والمرارة...
كبدة ضاقت لقسارة
بطْنها حلُوْ ما يْدّاوا
مايل على جنب لمرارة
تهرّْس حلاوت وتُنْكرْ الخاوى
هي فجوف منارة
مضوية لمكان بالجدبة على دقة كّناوة
كبدة مكوية بحروفها تسيل
شحفانة الدموع وكثرة لحزارة
و نفس تايهة فجوف الليل
تدفن كنز بلادها بالشطارة
عليه حارت وتفرقات لكباد
وتسرب خيط من كل سلاَلة
تبعوه خيوط شادِّين لعْناد
وصبحات الكبدة فعينهم جلالة
يتيمة خلاوك لجدادْ..
يا كبدة للي كّلتُ تكّالْ..
فقاع البير سرك مخزونْ
يبرد عطش جوادك
والخابية لمعرية كّلبها مسكونْ
يتوجع مرارة حلاوتك
الدغْموسْ إلى نبتْ فيك حالة
ما يقدُّ عليه شرفة ولا منوالة
عظامُ سايْبة
فوق الجمْر ودايبة..
لا تربُّوها تنكر الخيرْ
تفرّْق لحباب...وتشعل العوافي فالحصيرْ
لا تصدقوها تلْفّْفْ الجْبيرْ
بجلد الذيابْ... قبل ما تهرّْس الكبير والصغيرْ
زرعوها قطعات لياسْ
والعْبدْ اللي كحّْلْها رفْعات ليه الرَّاسْ.
زادْتْ فحلاوتها وبسالْتْ
اللي ناقصْها ملُوحة
بالمالْ تفصْلْت وتْقامْتْ
و صْبحات حكاية مفضوحة.
و الكبدة لِّلي ثوبْها حريرْ
زينْ التباتة والرزانة
سايرة فطريق الخيرْ
مشْعَّة بالويزْ والُّبانَة
عليها تقامت لسواق
ولغلاها تقام الشّانْ
وعلى عطُورْ الزهور والحْباقْ
نوراتْ بينْ لْحْقابْ وْ الزْمانْ.
كبدتي عييت من القيل والقالْ
قولي ملين نصيبكْ..
كبدتي عليك نسول ونسالْ
لْطْفي بقلب حبيبكْ..
لو كانو الضراير يتحلاّو بحْلاوة الزبيب
يعود للربيب شانْ فمقامْ لْحبيبْ
الخُو يبرّْحْ لاَ هُو مْقاسي من مقاسكْ
يحزمُو المْقاسْ يْرْدُّوك مكفوفْ على راسكْ
لو كانْ مِّيمْتْكْ من سبيبها تخْرزْلكْ جلالبْ
طِّيحْ تهزّْكْ فكتفْ وفالْكتف لاَ خُرْ قوالبْ
قياسها بأطْنانْ وبْكْبْدْتها وزْنْتْ ريشَة
كْبْرْتِ تبقَ فعينها لوزْ فعْرْيْشَة.
جهل القلب يرْيِّشْ خْلاَّ غيرْ الليِّ مَا رَاى
خافْ من الذّْنبْ وعلّْق بدالها مرارة
فلقاتك بحجرة ولبساتك عمامة
تكّولْ نْبرَا تْنْقبُو لْكْ ليمامة...
وراهْ
"لمرارة إلى حلاتْ تولِّي كبدة..كيف لعداوة إلى طالت تقلب محْبّة".[/size]

تفلسف لكلام لعروبي
و بين الكبدة و المرارة
بين المحبة و العداوة
باح بعبوبي
و خوا لقلم من مدادو
قبل من تخوا جيوبي

تحيايتي اختي نزهة سمالي
منصور لعميري

إلى إبنتي العزيزة نزهة السمالي تحيتي الخالصة

قصيدة جميلة تقبلي مروري المتواضع

مودتي

أستاذي القدير سعيد محمودي
شكرا على مرورك الدائم وإعجابك بزجلي
وكذا احترامك لحروفي وكلماتي وكل ما تحمله من معنى
دائما أعتبرك القدوة وكذا باقي الأساتذة مع احتراماتي
كوني بمثابة ابنتك بالنسبة إلي لهو شرف عظيم
فأنا تلميذتك لذا لا تبخل علي بنصائحك
فمنكم كذلك أستفيد
تحياتي و تقديري أستاذي العزيز
وشكرا
نزهة سمالي

تحية وردية من حدائق القلب بارك الله فك قصيدة متمميزتقديري

الى كان الحب من القلب
ما تنفع فيه احزارة
اللي في هاذ الزمان
ولا فيه الحب
غير بهاك او ارى
الله يكون في عون الكبدة والمرارة
حبي وتقديري

إلى الأخت مريم الخباز
كلامك لحلو
زاد فحلاوت مرارتي
تغيِّر حالو
و تبسمت لكْ كبدتي
تحياتي لكي أختي مريم
نزهة سمالي

أستاذي المبدع و الفنان البعليوي عبد السلام
شكرا على مرورك الدائم
تحية خاصة
و شكرا على التشجيع
نزهة سمالي

إلى الأستاذة الغالية فتيحة رشاد
القلب ما هُو غير شاهد
بللي المرارة والكبدة خوت
فداك العاهد
ما فرقت بينهم غير الموت
تحياتي
نزهة سمالي

اذا فلت استاذة
فذاك من تواضعك
وان فلت الغالية
فشعوري نفس شعورك
قبلاتي اليك حبيبتي

إلى الأستاذالقديرإبراهيم الرامي
يسرني دائما مرورك وكوني مبدعة راقية في نظرك أحاول دائما أن أكون في المستوى الذي أجد فيه نفسي مع كل التحيات التي أتلقاها منكم جميعا

أ" الكبدة لِّلي ثوبْها حريرْ
زينْ التباتة والرزانة
سايرة فطريق الخيرْ
مشْعَّة بالويزْ والُّبانَة
عليها تقامت لسواق
ولغلاها تقام الشّانْ
وعلى عطُورْ الزهور والحْباقْ"...
أشرت إلى هذا المقطع مع العلم أنني كنت أنتظرها منك
لويز واللبانة والحباق منتمون إلى ثراث أمازيغي سوسي أصيل رمز يستعمل في العرس السوسي وهو ما تعرف به كذلك مدينتنا" أكّّادير" ..
شكرا لك
تحياتي
نزهة سمالي

لكي كل الشكر والتقدير الأستاذة والأخت
فتيحة رشاد
شكرا على مرورك