منتديات دواوين الثقافية و الأدبية

(أشواق)

إيه قوُلِك يا أمي ..
تيجي .. تِقضِي اليوم معايَا ؟
يا سلام يا أمي لو ينور بيتي بيكي
ويستجيب ربى لدُعايا
تِدوقى أكلي
وتقولي رَأيك إيه ف غدايا ؟
ينوبنى حبّه من دُعاكي
ويلعبوا ولادي معاكي
وتحكي لْهُم الحواديت غناوي
غُناكي أحلىَ كتير يا أمي من غُنايا
يا سلام .. لما من تاني أضُمِك
ويرتاح حُضنِي في حُضنِك
أنسَىَ ألَمِي بلمسه مِنِك
وتْطَيِّب يا أمي جراح هوايا
نفرد الشلته ونقعد في الفسحايا البراح
ناخُد وندِي في اللي حاصِل واللي راح
تشدِي ضهري .. تفطميني
لحوال بقت .. ساقية ورحايا
تعالي .. قََضِِي اليوم معايَا
ما يكفينيش يوماتي شكوَى المصطبة
أجيكِي وأحتاج طبطبة
ما أسمَعشِي غير صمت الخَلا
تعالِي مرَّه ..
مش حَ نِتاقِل عليكِي
حَ أعمل حِسابي
ما حد مِ الولاد يضايقك أو يشَاغلِك
كُلُه يقعد هُسْ يسمَع
وأملا عيني بيكى وأشبَع
مِ الحنان اللي ف عنيكِي
والدفا اللي بأحسُه بيكِي
ولو تِحبي تنامي عندِي ؟
نامِي يا أمَّه فوق سريري
تِحصل البركة وقلبي أعْمِلُهْ يا أمَّه المخدة
ولو تِحِبي تِصَلِي .. صَلِي
بَحب أشوفِك وأنتي سَاجدة
الحكاية مش عزومَّه أو غدَاَ !
الحكاية شوق وحُب
ولَجْلْ أشتكي لِك ليل ضنىَّ
ما بقيتش عارفه ..
أنتي يا أمي اللي في غربه والا أنا ؟!
صعب تيجي ؟
أيوه عارفه
وِجَيِتِك مش هَينَة
سامحيني يا أمَّه
افتكرت انك يا أمي مش هنا
يا رب لجل المُصْطَفىَ ترضىَ عنها
وضَمِة القبر ..
تكون عليها حِنَينَه .

الام هي الحنان هي العطف فقصيدتك جميلة جيدا استادتي الكريمة السيدة شولي

يبقى الابداع عن الام امر لايخضع لمنطق العقل والفكر والنقد لانه احساس وجداني ايماني رباني تنهزم كل الجدليات والميكانيزمات دونه فهنيئا لك بالام

تحية الى كل ام تحية ود وصفاء
تحية الى من لازالت تحيى ولم ترحل الى عالم الخلود
ورحمة باللواتي غادرن هذا الوجود
اللهم ابعتهم مع المومنين والمومتات وافسح لهن اوسع الجنان
واشفع لهم يوم يشفع النبي العدنان سيدنا محمد عليه الف صلاة وسلام
واصلح ذرية من صلى على التبي ودعى للاخت الكريمة بالصبر والسلوان

قصيدة جميلة برك الله فيك أختي الفاضلة سيدة شولي

الشوق ف الكلمة
حرف و حرف
و الأم شان و همة
و زيد الصرف

تحياتي سيدة الشولي على هدا البوح
منصور لعميري

» أشواق الروح