منتديات دواوين الثقافية و الأدبية

هذا بداز (كسكس الدرة)
ناخذ القديد ونفزكوه في الماء باش يرطاب وماتبقاش فيه الملح بزاف

المقادير

تنجهزوا الخضر
اللفت الابيض
اللفت الاصفر
خيزو
قرعه حمراء
القرعه خضراء
ربطة القزبر والمعدنوس
الفلفلة حارة
مطيشة طريه ومطيشة الحك
البصلة
الحمص
الفول الاخضر
الملح(ما نكثروه لان القديد مالح)
الزيت بلدية
السمن
البزار
السكجبير
زعفران

الطريقة

نقليو القديد مع التوابل

والبصل ونضيف الطماطم

نضيف الماء ونتركه حتى يغلى

ونضيف الحمص ونخليوه يطيب مع القديد

ومن بعد نضيف الخضر ونخليوه القرعه الحمراء والخضراء والفلفل حتى الاخير

في القصعه ندهنوا الدرة بالزيت البلديه ونرشوها بشوية الماء ونديروها في الكساس

نعاودو العمليه 3 المرات بحال طريقة الكسكس العادي

في الطلعة الاخيره ندهنوه بالسمن اوا لزيت بلدية حسب الرغبه

نديرو الكرعه والفلفلة في البرمة

ومني نبغيو نسقيو نحاولو ما نبردوش بداز

بسرعه نحطو الكساس في القصعه ونسقيوه بالمرق والخضر

ونقدمو المرق الباقي في زليفات صغار

بالصحة والراحة ومنقولكمش على الطعم والريحة تيجي لذيذ بزااف

واللى بغى صيكوك الدرة هاهي واجده

بالصحة والراحة باداز بالقديد Images?q=tbn:ANd9GcRk6MnijWAq1LwJUsZ8fIQ5HgifIaaSINkkNfQW3N9YtqO3D8Ih&t=1

باداز بالقديد Images?q=tbn:ANd9GcRk6MnijWAq1LwJUsZ8fIQ5HgifIaaSINkkNfQW3N9YtqO3D8Ih&t=1

الله الله
تبارك الله عليك للا أسماء لانك لبيتي رغبتي
كنت قد اقترحت على الأستاذ عبدالرحمن الوادي هذا الطابق ولكن ( باداز ب اللحم ديال الراس )
شكرا اختي

عطاك الله الصحة أختي أسماء
وكرم الله هاد اليدين ومعطات
متمنيت هاد لوجيباغير لوقت الزفزافي
والنفنافي.

ابراهيم الرامي كتب:: الله الله
تبارك الله عليك للا أسماء لانك لبيتي رغبتي
كنت قد اقترحت على الأستاذ عبدالرحمن الوادي هذا الطابق ولكن ( باداز ب اللحم ديال الراس )
شكرا اختي

صبا النور السي ابراهيم
تانا قريت اقتراحك و لبيت الرغبة
حيت تنحماق على بداز بالكديد او لحم الراس
و ناري الى كان بالكرعين و مطيشة رقيقة tomat souriseتيجي تيحمق
ههههه بالصحة و الراحة

الضريسي الباز حسن كتب:: عطاك الله الصحة أختي أسماء
وكرم الله هاد اليدين ومعطات
متمنيت هاد لوجيباغير لوقت الزفزافي
والنفنافي.

بالصحة و الراحة اخويا حسن
تال شتوا و نسيفطوها ليك فطيارة ان شاء الله ههه

هدا بصحتكم غير كولوه بلا بي مسامح لكم في حقي حيت ما عنديش معه وما عندوش معي هي جوج وزادت كملتها صويرية اليوم ملي دارت كسكسو بسبع خضاري غير لمالين كازازازا فرزية كبيرة هدي والله يعطيني وجهك الالة اسماء

[size=24]

ههههههههههه و السي عبد الرحمن راني بيضاوية و طيبت ليك قصعة بيضاوية للمغاربة جميعا هههههههه
بلا منعطيك وجهي راه رطب ميصلاحش ليك

أشكرك أسماء على الشهيوات الرااائعة المغربية الأصيلة ..شهية طيبة وجمعة مباااركة ..

لا أيتها الطباخة
عذرا لكن لا أحب القديد
أفضل سبع خضاري
ههههههههههههه

حياة نخلي كتب:: أشكرك أسماء على الشهيوات الرااائعة المغربية الأصيلة ..شهية طيبة وجمعة مباااركة ..

أهلا أختي حياة مرحبا بك جمعة مباركة الله يتقبل منا و منك و من جميع المسلمين تحياتي

mohamed-lui كتب:: لا أيتها الطباخة
عذرا لكن لا أحب القديد
أفضل سبع خضاري
ههههههههههههه

ههههههه أضحكتني يا محمد
خليليك الكسكس بسبع خضاري ههههه و اتركلي الكديد

تبارك الله عليك أختي العزيزة اسماء مثلا أحسنت الاختيار رائع باداز بالقديد
ولعجبني هوا القديد مغدي يشاركني فيه حتى واحد ونكمل بصيكوك شكرالك

اسماء مثلا كتب:: ههههههههههه و السي عبد الرحمن راني بيضاوية و طيبت ليك قصعة بيضاوية للمغاربة جميعا هههههههه
بلا منعطيك وجهي راه رطب ميصلاحش ليك

بيضاوية؟ هاه داب عاد بان العربون
ونا تنقول كفاش هدي صويرية ومسبقة مالين كازازازا
وعلى هد لغدر ما بقى عندي ما ندير بوجهك وخ يكون محراشة مدهونة بلعسل وسمن

سعيد محمودي كتب:: تبارك الله عليك أختي العزيزة اسماء مثلا أحسنت الاختيار رائع باداز بالقديد
ولعجبني هوا القديد مغدي يشاركني فيه حتى واحد ونكمل بصيكوك شكرالك

الله يبارك فيك اخويا سعيد
و لكن لالالالالالالالا راه القديد نتقاتل عليه هههههههههه
و خصوصا لكرداس
و لبن خليت ليك بالصحة و الراحة

عبد الرحمن الوادي كتب:

اسماء مثلا كتب:: ههههههههههه و السي عبد الرحمن راني بيضاوية و طيبت ليك قصعة بيضاوية للمغاربة جميعا هههههههه
بلا منعطيك وجهي راه رطب ميصلاحش ليك

بيضاوية؟ هاه داب عاد بان العربون
ونا تنقول كفاش هدي صويرية ومسبقة مالين كازازازا
وعلى هد لغدر ما بقى عندي ما ندير بوجهك وخ يكون محراشة مدهونة بلعسل وسمن

ههههههههههههه راه وخا بيضاوية تعلمت طياب فصويرة
و خصوصا طياب القلب
ه تحياتي

أناري ميمتي حنة
الله يستر أختي قلبي من طيابك
شيلاه أسيدهم أزولاه

فكرتنا ألالة اسماء مثلا غير ف عاشور وراك انسيتي لمعالق باش ناكلو ولا ناكلو بعينينا

ماعندي مانتسالك مهليا فهاد الناس

عبد الرحمن الوادي كتب:: أناري ميمتي حنة
الله يستر أختي قلبي من طيابك
شيلاه أسيدهم أزولاه

ههههههههه شلاه اسيدنا بلال ههههههه