الصمت نقمة

لي قال الصمت حكمة..
وفضل من لكلام
ما يكون غير تصاب بصدمة
أو راكد عليه اللسان
الحكمة يا صاح !!
من عقول لفهام
والعيب ف السكات ..إلا كان هم وتخمام
الحكمة راحت ..
مشات مع لقمان
ما عندو مايقول ..لا فلان و لا فرتلان
ارجع ل عند كلامي
صغى واسمع مزيان
الفايدة ف المعنى ،
لي يفهمها لعقل .. وترتاح ليها لودان
الصمت يا فلان،
علة و نقمة
واخا يخيطو ليه لسان ..
عمرو ل نطق الحكمة
**
شوف حال الدنيا اليوم
كيف كانت و كيف ولات
لسواق كدات
يد المسكين تكوات
الحكرة ف لعروق سرات
واش مزال ينفع السكات ؟
**
خوفي عليكم يا هل لقوافي و لقلام
ل تصدقو هاذ لخرافة و تركنو للظلام
و يبقى الصمت حكمة ..
وديما فضل من لكلام

صدقت يا استادي فالصمت نقمة والبوح نعمة ومصاحبة القلم تخرجك من العتمة دمت مبدعا تقديري مريم الخباز

مرحبا بك أستاذي ابراهيم الرامي

فرحتنا لا توصف بإنضمامك لمنتدانا المتواضع

دائما تتحفنا و تمتعنا بقصائدك الجميلة

تحيتي

أخوك

سعيد محمودي

الصمت لو عقل و لسان
فكلامُ تحْسْ بالنّْدْمة
تخْمامُ على ظْهْرْ الزْمانْ
الصمت درويش وعايشْ باللّقْمة
تحية طيبة لك ولقصيدتك الرَّائعة أستاذي القدير ابراهيم الرامي
نزهة سمالي

أخي الكريم عبد الغني الراقي..بداية أشكرك على المرور كما أشكرك على الملاحظات القيمة التي جائت في ردك وكم أنا سعيد بكل من يتفضل و يناقشني في أفكاري المتواضعة ..أخي عبد الغني المراد هنا بالصمت نقمة هو عدم السكوت عن الحق وأن نفضح المنكر ونحاربه ولو بلساننا كما قال المصطفي صلى الله عليه وسلم " هناك الكثير من التجاوزات والأفعال المتنافية مع الأخلاق لا يجب السكوت عنها ، بحيث الساكت عن الحق شيطان أخرص أليس كذلك أخي عبد الغني وأنت قلت ذلك في بعض الأبيات التي راقتني كثيرا :

لا تسكت عْلى مْناكر وغمَّـــا
وأَمَام الباطل لا تكون تـمْتــام
وعْلى حقك ادْوي واثْقب السّْمـا
وعْلى ساس الصّح تـبّث لقـدام
وازْند عْوافيك من تحت البرمــا
وقفّل كسكاسك يْفور الطعــام
من فوق الشبعة لا تْضيف لقمـا
تورّطك ف وجعة وعلّة وسْقـام

[

يا الساكت على كلام الحق
افتح فمك ودوي
يا ك ما لسانك ملوي
با الساكت على كلام الحق
افتح فمك وتكلم
وفي مجلس الحكمة اسمع واتعلم
وفي كل مرة خدتي لكلام فكر قبل ما تجاوب مزيان
يكون كلامك رزين ماشي هيجان
ومن وراه يقوم الطوفان

كلامنا مرسوم بحروف لخوف
قرب
قرب اخويا قرب اجي تشوف
لكلام يقتل مولاه الا ما الخوف سكن جواه
يقتل مولاه الا قال ينساه

تحياتي اخي ابراهبم الرامي
منصور لعميري

كلام
لكلام اليوم كتبناه
ما انطقنا بيه حروف
شحال من واحد مجهول
واليوم في قلوبنا يجول
اليوم نرسل ليك مرسول
بكلام موزون بحروف
ريحو ياسمين
من بعيد تفوح
الى كل من منصر لعميري
والستاذ ابراهيم الرامي
شكرا على مروركما

أخي و أستاذي ابراهيم الرامي

قررت إدارة منتديات دواوين الثقافية و الأدبية ما يلي

هنيئا لك
اخي العزيز
دمت مبدعا
متالقا
ثبت الله اقدامك
واصلح اعمالك
وقبل الله صيامك
وسجودك
ودعاؤك
ورمضان كريم