اني احسك هم تحبني
وهم يدق بالشوق قلبك
مو مهم ماصارحتني
من نبرتك تعني احبك
واني هم مثلك احبك
بس خجلت شلون اقلك
تدري صار شقد احبك؟
من جنت بس اسمع اسمك!!!!
صرت احسك قطعه مني
الدم اللي بشرياني دمك
مو فقط يعني لي دمك
لا لا صرت تعني لي كلك
وياما اخفيت المشاعر
بس وصل حدها اعترفلك
مابعد بامكاني اخفي
قلمي هالمره التجألك
راح ارسمك احلى صوره
صوره باشعاري تعجبك
صوره من شاعر تعذب
وشيبه من الشوق همك
انتبه راح الفظ اسمك
هاي اول صوره لاجلك
وحرفك الاول اكتبه
من حروفه تلاكي اسمك
اي اقصدك انت اقصدك
سيف مااخاف من اسلك
بيك اتحداها كلها
الرادو يبعدوني عنك
ورادو يبعدوك عني
الكلام ادري به الوصلك
شوهوا صورة ضميري
حتى مايردوني اعجبك
وشوهوا صورة ضميرك
عود حتى اجزع واملك
لا لا!!!!!!!! تاكد انت خلي
حتى لو مااصير خلك
حتى لو مااصير خلك

رائع ايها الشاعر الرومانسي راقني هذا الحب العراقي كله احاسيس ومشاعر صادقة
مزيدا من التالق ايها الشاعر الراقي
تحياتي الخالصة لك

كلامك عبير وزهور وياسمين
كلمات ولا اروع
شكرا لك سيدتي