منتديات دواوين الثقافية و الأدبية

دْجاجْتِي
أنا دْجاجتي مْصوَابة
يا لْغادِي بالدْقَاقِي
ما جْبْتها منْ الغابة
ما سمعتْ صُوتها كَتْقاقِي
فالسْمَا كيفْ الضْبَابَة
ما تشوفها فالزْناقي
دجاجة بيضة ومذْهبة
ماشي نُوعْ سوَّاقي
فالسويقة حِيْرْتْ هْل الْحْلقَة
اسمعْ يا الِّلي قالو عليكْ ذوَّاقي
وكّْلتها الذْرة، والشعير والْحْلْبة
ردّْتْني عْرُوسْ الْحْلاَقي
بخيطْ بيض جْمْعاتْ القْرابة
ومن فرحْتها عادْتْ تْقاقيِ
فقُب جلالبْ دوكْ الطلبة
تخْوْنْتْ و عادْ ريشها زُوَّاقِي
سالتْ عليها دوك الطبَّة
حتى ذبلو ورودي وحْبَاقِي
خرجوفظْهري الْحذْبة
وعابْ طْيابِي وتْسياقِي
بدجاجتي نوْضُوالجّْدبَة
وسحرو بريشْها فالْوْراقِي
فْنِيتْ و المِّيهَة عذْبَة
اللِّي خلق دجاجة خلق داكْ السْرَيْقِي
الزجالة نزهة سمالي

طرح جميل وطريف
حول دجاجة محظوظة
ليست ككل الدجاجات
ـــــــ
تحيتي وتقديري

أسعدني مرورك أخي عبد الغني الراقي
تحياتي

دجاجة مسعودة
وخايف أخْرجْ فيها لَبلان
فديكْ لْليلة معهودة
لْمعروفة ف رمضان

تحياتي

تحياتي اختي مرحبا بك وبمواضيعك شكرا لك بامتاعنا تقديري

تحية ليك أستاذي البعليوي عبدالسلام.
بلا شك عجباتك الدجاجة
ثَمَنْها معقول ومعْلومْ
بيِّتها شهور فالثلاجة
نوصيك تشْرْملها بالتوابل و الثومْ.
تحية كذلك لكي أختي مريم الخباز
شكرا على المرور
نزهة سمالي

إلى المبدعة نزهة سمالي

دجاجة مليحة وجميلة وقصيدة أجمل

تحيتي

لك كل الشكر أستاذي سعيد محمودي
دجاجتي مليحة
وملحها زاد فالبنة
للي ما سمَّ فالذبيحة
ما كلاَ ما تهْنّا
تحياتي
نزهة سمالي

ادجاجتك يااختي مزهارة
صفر ريشها بحال النوارة
بتخاطفو عليه الملوك
في ليالي الحضارة
دجاجتك في المنتدى
دارت خبلى
والخبلة درتيها بديك
غير عرضي علي
ولا انجي ليك

الدجاجة دجاجتك
خلّيت طيابها بين حنّْت يدّيك
ما علي غير نعاونك
أنا نشرمل وهي تفديك
تحيتي

ما احاى الضيافة في هذا المنتدى تشكراتي

لكي كل الشكر نورت المنتدى
تحياتي

العزيزة نزهة:
يا لها من دجاجة

مرحبا وحقك فثلاجة
تحياتي

ولايني دجـــاجة
منوضة العجاجة
اللي مشا وما جا
حقو ف الثلاجة
مولاتها محتاجة
دبحاتها ب جاجا
كالت حتى كالت
عقلــها تفــاجا

تحية لسمراء سوس الاخت سمالي نزهة

وارا ليك لفراجة
شكرا على البهجة والمرور لك أخي السعيد و ولد بلادي وأصولي
مراكش الحمراء
تحية سوسية من أكادير
أنا جد سعيدة بإعجابكم بالدجاجة
دمت مبدعا
شكرا

طرح جميل و مواصقات في دجاجة اجمل
تحياتي الخالصة

تحياتي لك كذلك وشكرا لك على مرورك اخي المختار الأفغيري