حروف..على كتاف الخاطر

****

قطعت الحس..وعنقت النفس



ف الدحاس... غطست


ودرت لراسي



الخاطر

بين فياق ونعاس

تمديت على ضهر دماغي
غير مع حالي...

وكارف لجام خيالي



نفتل...
الهموم ... بالقناطر



دايها ف دماغي


لكانتي....سامع



صاغي


هدير نسمـــــــــــــــــــــــــــــــــــع
زهير ووجـــــــــــــــــــــــــــــــــــع




وانا بين تنهيدةوتنهيدة

نخرج......واقف


تالف

شهقة


والدات فيا... لاسقة

العقل مسلوب

بنادم مغلوب

وانا


نزيد ف ليام نوحل




وحريفاتي دخان



كحل


قنابل....من الغرق




مجبود

من الدواخل...خارجة




بارود

بالحروف نصرف المكتوب

تعمر لمكاحل

بالصــــــــــــــــــــــبر..

نقلد ايــــــــــــــــوب

وعهدي بيا




فذاك التيــــــــــــــــــــــــــــــــــــه

البعيد فيا لهيـــــــــــــــــــــــــــــــــــــــه

حتى



قربت نتســــــــــــــــــــــــــــــــطى

فذاك لغيب ولوطــــــــــى

وانا ماشي

حتى حسيت بالصبر نفذ



مابقاشي

دوخت .......مابقيت عارف


انا فين

وشحال كدك ما تعاود
لي شافته العيــــــــــن....

ينفذ لمداد

والهم عاد يكول فاق

عاد



شحال كدك تخيط ف النفس
شحال كدك تبكي بالحس

واحلف مافاض لبحر

واحلف ماتهرس لحجر

وشحال كدك ماتحاجي
والحايل ف العروق

مسمر

ويدزاد عليه الماجـــــــــــــــــــــــي..

ايوا غير خوي.........بيدما



حفر السواقي للما


نفس الجبال....

النابتة ف القلب



بالمحال..

غسل بالحروف..
روحك


من...من ... ومن .. الخوف


شد ف ضهر لكلام......وتفك من الزحام

الزلط...شابط



والهم...........حابط

هذا ضربني وبـــــــــــــــــــــــــــــــــــــكى



هذا سبقني واشـــــــــــــــــــــــــــــــــكى



هذا بمالوا شرى حلمي واعليه...
اتـــــــــــــــــــــــــــــــــــــــــــــــــكى.




هنا ضربة...هنا خلعة...


هنا هربة...



هنا فسدت السلعة


هنا من عند لفقيه...


تعليقـــــــــــــــــــــــــــــــة

هنا تصرفيقة من الزمان
حتى ضربيتني

الفيقــــــــــــــــــــــــــــة



هنا الروح ....ضاقت
اول تفليقـــــــــــــــــــــــــة

هنا تخنقت ..الحناجر



بالغــــــــــــــــــــــــــــــــــــوت



هنا فات الفوت



ماوصل لخبر....ماتسمع




صوت...


هناك

مات الامل با لضيقة




وحق الحــــــــــــــــــــــــــق

ماقديت ..... نهضر

ماقديت.................. ننطق



وكان... الظلم

حتى كملت غير بلي شاط من الحلم

القمع والقـــــــــــــــــــــــــــــــــــــــهر.....



والحكرة خضرة ف التراب



بعروق وجدر

علمونا لحيـــــــــــــــــــــــــــى
وقلت لحيــــــــــــــــــــــــــــــى
وصلاة الجمــــــــــــــــــــــــعة
والويسكي


ف السر... والمـــــــــــــــــاحيا

والكلمة بالكذوب.... صحيحة
والكمارة ....قاصحة

والفهامات .. والصنطيحة

جا هذاك دار فقيه صحيح



الخطبة
ومافراسه حزب سبيح


معاهم
تغرق ف الذنوب

معاهم خاص صبر ايوب

هو خويا وبويا وجارتي وجاري

يوماين ف جامع
ف مدرسة



ماقاري
علمونا حشومة
وحنيان الراس من فطومة

وعهدي براسي

كانقاسي

بين الصح صحيح
والكذوب صحيح
حتى هزني الما
وشعطني الريح

طلقت الما عل لبياض يهرق
وشديت الريح وبديت نحقق




لقيتني غارق ف ليام....



حتى للصرة

وروحي ف داتي

عدفتها جــــــــــــــــــــــــرة

هكذا ضاع عمري بين الزحام

وهاني نرقعوا كلام



حرف عل حرف


والمعنى ماتروم الطرف..

المفضل الياموني..

أخي الغالي والعزيز المفضل الياموني حروف على كتاف الخاطر قصيدة معبرة قرأتها عدة مرات
شكرالك على هذا الابداع والنفس الطويل لك أخي كل التقدير والاحترام

تمديت على ضهر دماغي
غير مع حالي...وركبت معك بنفس حروفك التي تضعنا في محطات لتأمل وقراءات شخصيةْْ ُُُُُُجميل تصورك

شحال كدك تخيط ف النفس
شحال كدك تبكي بالحس
واحلف مافاض لبحر
واحلف ماتهرس لحجر
.
الله الله عليك أيها الزجال الجميل المفضل الياموني
صدفني إن قلت لك انني قرات هذه الزجلية مرتين ،نظرا لجمالية أحرفها الانيقة وتعابيرها الرائعة
أستاذي المفضل ،أستمتع بالقراءة لك لانني اجد ضالتي في قصائد التي تحمل بصمتك
هنئا لك بهذا الابداع الجميل وهنيئا لنا بك ،شاعرا زجلا بيننا
معزتي التي لاتبلى ولاتشيخ ابدا ابدا ابدا

لوحة ادبية .. مزجت الوانها بطريقة احترافية
المبدع .. والاخ الفاضل :المفضل
ابدعت ..واحسنت

مع مودتي وتقديري

الزجال المحترم

سعيد المحمودي...شكرا لك على المرور...

احترامي ومعزتي لك....

الزجال المحترم حسن داودي...
* ملي كنبغي نرتاح كاندير واحد من الاشرطة ديالك وكنشط بصوتك الطروب*

الله يحفظك يااخي حسن..

الزجال المحترم...

ابراهيم الرامي..لهلا يخطيك من قدامي..

هاك معزتي على ضهر سلامي..

يلا كثرو عداك..عرف الحق معاك

والله ينصر ينصر..مول الحق

والمحساد ماعنده ما يصور مايلحق...

المحساد...ف الخوا شاد

ما فيديه غير يحني الراس ويجي مكاد

**والجبال تبقى جبال والجواب باين ف السؤال**

ماني دري صغير نرضع صباعي

ويلا كان غير على الزجل

نفحتوا ملحون وسكرت به حر

وغنيت به رباعي..

وصاحبي نوقروا

ولي بغى يغدر..حرفي سيف به نعقروا..

بالمحبة نجول عل الكلوب..

نبغيني ... عند الكل محبوب

مانقلل حيا ..مانسرق جيوب

بالمعفول والرزانة...للي بغاني..

وكلشي بالميزان

مانكرهو حد مانخلفوا عديان..

وبابنا مشرعة ماعندها بيبان

ماعنده مايكول لا فلان ولا فلفلان..

لي كرهك من خير الله عطاك

واش يصور بكلامو ف كفاك

الهضرة ف الضهر

سبابها الفقر والقهر..

والله يهدي بنادم

ينوض يصلي لفجر...

جميل الروح الزجال المحترم محمد بوبكر...

انا من اشكرك... على اهتمامك...فتقبل مني تحية بحجم روحك وقلبك الشاسع...

لك كل معنى الاحترام.

الزجال المقتدر..بن عيسى الحاجي...

كم يسعدني ..مرورك بين حروفي....

اشكرك كثيرا عن قراءتك ..وتشجيعك..

لك كل معنى التقدير...

هنا ضربة...هنا خلعة...


هنا هربة...



هنا فسدت السلعة


هنا من عند لفقيه.


واسي المفضل الياموني واش ابغتي الصحة إوا الله يعطيها ليك

تحياتي

العزيز الزجال عبد السلام البوعليوي...

شكرا على المرور..

والله يعطيك الصحة والخير..