الحروب الحروب رآه كثرة الحروبْ
عمْ الظّلام واش هذ المكتوبْ
رحل السّلام من بلاد الكتبْ
ذَا شعب غريب ف ارضوا مسلوبْ
تمنّت ف يوم توحّد القلوبْ
ويزول الهّمْ وتزول العيوبْ
الدّم يسيل ف كل الدّروبْ
شيوخ وطفال صامدة ف الحروبْ
ف ارض العزّة غزّة كتعاني
جور الصّهيون فالتّيه خداني
الشعب المضلوم عايش وحداني
ما بين سلوك ف بلادوا برّاني
خْشُّوا الخوت، فهموا المعاني
قرعو الكاس ف القصور ولمباني
تركوا أطفال ف لحروب تعاني
ف ارض العراق واش هذ الفراقْ
ف بلاد النّة كثرة النفاقْ
بعد الوحدة دخل الشقاقْ
وعلى كرسي بدو السباقْ
دجلة والفرات ومجمع الرفاق
على وحدة الشعب مَ كان تفاقْ
ف بلاد السودان تماعدوا العديان
جاو باش انشروا فيها لَحزان
الخير الدّافق ما خلوه ايبان
ردّوها خراب بحال الافغان
هذا بسباب اعداء السلام
لوبي الصهون ومركان ضلام
يا جورج بوش دمّرت الْحلام
يا كلب الرّوم معاك مكان كلامْ
تركت فينا جرح يبرى موحال
الدّم ينزف وبالسواكي شلاّل
الحروب الحروب راه كثرة الحروبْ
عم الظلام واش هاذ المكتوبْ

أهلااااا أستاذ وأنا جد مسرور على قرءاة قصيدتك أولى بمنتدى دواوين الإبداع
، قصيدة مطروزة بحلي الحروف راقية ، بكم الزجل المغربي وصل إلى عمق العالم ،الكل يعرف الزجل المغربي بأساتذة مثلكم ،تحياتي أخوك المختار بن دغة.

يالعامي قلبك بنار الخراب
هدية ليك تخطت القراب

شكرا لك ايها العزيز والغالي
محمد بوبكر
قلتها وساعيدها
لي هز حرف الهم كيهو معاه هم الحرف
تحية موصولة
ولك من كامل المودة والتقدير
عثمان حسيني