منتديات دواوين الثقافية و الأدبية

مساجلة
**
الراوي
**
راك راوي ف كلامك حكمة
تصيب البعيد
والقريب داق المعنة
نطق حروفك
سيف ليه معاني
قول .. . آش بغ ؟
تسمع همومي ؟
تفجر احزاني ؟
هاك لساني
قول لي واسمع
***
يالهبيل
**
إلا خيم الليل
وخيالو تعدى لقياس
اجعل لسانك قنديل
بيه ضوي طريق الناس
حلق بجناح الروح
خلي يدك ممدودة
نطق حروفك وبوح
راه الهم سوايعو معدودة
لا تخضع ..لا تطوع
لا تحني للحد الراس
خلي كلامك مقروء ومسموع
كن أنت حكيم الناس
حاور الزمان لقبيح
ب لسان فصيح وصريح
ما فيه إيداية ولا تجريح
**
شمن ليل عليه تتكلم
ياالراوي ؟
على للي يقوموه اهل الله
وفيه الذات تناجي مولاها ؟
أو على
اللي
الدياب الفاسدة
فيه ما تنوم
حتى تغرس نيابها الواقحة
في ذات لمسكين؟
لساني سال دمو على الاوراق
واخ جناح مكسور
ويدي مكبلة
خليت الهم يتصرف
بقيت وباقي في عناية
والعايب في الرجال عار
وللي م عجبو وجهي
يبدل باب داره
**
ويلا زاد طال ذاك الليل
يالهبيل
وتخبلت لحروف بين لكفاف
ودموع الشمعة مزال تسيل
لازم تحكي وما تخاف
***
**
خفت منه أو عليه
ياالراوي ؟
خليه يطول ويرخي جناحه
وللي ما قادر وخاف نياب الديب
يبرك الارض
أجداه للغابة يرع
يتحاز على نسيبتو
**
احكي يالهبيل
حرش للسان
احكي !!
فضح الظلم في كل مكان
احكي على لمحاين..
على للي كان ومزال كاين
احكي!!
فضح لعيوب
للي في لقلوب القاسية
والراس المقلوب
**
ايه
منين بغيت نبدا
من الطرقان المحفرة
ول من الشواع لمبهدلة
كل عمارة قدامها زبالة
*
فلات وعمارات
حنا، في العفن مساهمن
ونلومو غيرنا
*
المؤسسات
حالتهم ما بقات حالة
الجرادي
ولات وكر لحمير لبغال
ولكلاب الضالة
يا الراوي
***
يا لهبيل
احكي
فضح لكذوب
الوعود الراشية
ف الزمان المزروب
احكي
على للي حسبناهم حباب
هجرو صفوفنا
وتلفو لنا لحساب
احكي
على للي حجبو لكتاب
شمعو حروفنا
بلاما شرحو لنا لسباب
***
آش نفضح من فضايح
والنهار واضح.
التبزنيز... البيع وشرا
في دم البشرية
راهم باغين الربح
ويعيشو.......
الكذوب
لكذوب فن
الوعود الراشية
حلم
في زمان العقل والحكمة.
ش ضربوه الكرش
ش ضربوه لكفة
وش دارو ليه كمامة
*
ما هجرك حد ياالراوي
*
لحساب
كنت فيه غالط
واخ قاري راك جاهل
شوف ف جنابك
مع من أنت وشكون معاك
راك مكعرر
وما مسوق حد لكلامك
عرفت أو نزيد نشرح ليك؟
***
احكي !
زيد احكي!!
خوي ذاك القلب وشكي
احكي على اوراق التوت
الساقطة من ظهر لغصان
احكي على قوارب الموت
الغارقة ف بحر الهجران
احكي على الجوع ولعرا
وسباب العصيان
احكي على الذل والقهرة
وحقوق الانسان
احكي على الصمت ولكلام
وعلى الذة والآلام
أنت بدع واحكي
وانا نعد ونحصي
حتى يسمع للي يسمع
عاد نطوي صفحتي
***
راك صديق
وف الدرب رفيق
بك نتيق
عليك نفرغ قلبي ونشكي
تفكرت لحباب ولصحاب
وكراني ولاد الحومة
ف المدرسة قرينا سوا
وراقنا بالفرحة لبسناها الجاج
علقناها في الركنة.
ملينا وطال الانتظار
بقينا علة ...
وفي الظل تحرقنا
*
حالة وحدة
كيفنا كيف امبارك وعزوز
م قراو م تعلمو صنعة
عاشو تحت الذل والحكرة
خمسو وسرحو بقر الشيخ
علفو وتبنو باتو في الروى
الصيف حر
الشتوة قسوة.
لحصير
ف ظلوعهم دار علامة
وقدامهم مشقة على الدوام
*
نفد صبرهم
ملو وداق بهم الحال
لا من يشفق ولا من يرحم.
*
هذا سباب العصيان
*
ركبو قوارب الموت
ديك الضفة
بانت ليهم جنة
م خافو بحر ولا حوت
في قلبهم صدمة
بعد م دقو لبواب
يأسو
ودازت عليهم المحنة
***
*
الزجالين
ابراهيم الرامي احمد حمانو
العـــــــــــوامــــــــــــــرة

شكرا الاخ احمد حماتو على هذه الزجلية التي تحمل هم لبلاد ولعباد
وشكرا كذالك للاخ ابراهيم الرامي
مشكورين

البعليوي عبد السلام

شكرا الاخ احمد حماتو على هذه الزجلية التي تحمل هم لبلاد ولعباد
وشكرا كذالك للاخ ابراهيم الرامي
مشكورين

شكرا صديقي واستادي سي عبد السلام
لا قدرة لنا
الا نبردو جنونا في القلم
والسلام تحياتي اليك

أعجز عن التعبير أمام هذه المساجلة الرائعة

بين عملاقين في الزجل الأستاذ أحمد حمانو و الأستاذ براهيم الرامي

أسجل إعجابي

تحيتي

أخوكم

سعيد محمودي

فكيتو لحروف من سلاسها
تحياتي على هذا الإبداع الرائع الذي جعلني اقترب من الزجل اكثر فأكثر
منصور لعميري

أخي أحمد حمانو

قررت إدارة منتديات دواوين الثقافية و الأدبية ما يلي

مساجلة Ouooo_11

شكرا لك و لأخي براهيم الرامي على المساجلة الجميلة

» مساجلة (حمزة حمادين /مثلا اسماء)
» مساجلة زجلية بين ابراهيم الرامي وحبيبة زوكي