ياهذاك
1
قَباحْ اللهْ لَقْلَمْ لْهَرْتالْ
للي إسَيَّلْ مْدادو بلا َحْيا
2
يامَنْ داخَلْ وزادو بْلا كْمالْ
ف العَثْبة خارجْ طَغْطية
3
حْسَلْ عْوانْ منْ لاوْجدْ من قالْ لو شحالْ
راجَعْ لَدار وكَّفْتو مَكْفية
4
ياراكَبْ دَحْشة وطَمْعو خْيالْ
ومْغمَّسْ الكَلْمة ف تْكدية
5
للي ماعندو أصلْ كَّالو من أردال
ديما مَنْقارو طايَحْ عل صَفْية
6
مْريضْ نَفْسْ ياوَعْدو كلُ عْلالْ
حالْتو عل لَخْدع مَبْنية
7
جَمْجومة مشَكْلة لَعْضالْ
عل لَمْحبة والخيرْ ملْهية
8
يا هداك يا مْوَدَرْ سوارَتْ لَقْفالْ
ومْغطي زَغْباتك ب الشاشية
9
خُدْ هادو والباقي أمثالْ
حبة ف الصباحْ وحبة ف لَعْشية
10
وكْمالْ لْعَشرة ونْقَصْ واحَدْ والباقي دْفالْ
عل أرْهوطْ المكتوبة ف الكتبْ المنسية


( أربيبْ المَحْنة )