رُدْ بَالْكْ
البوعزيزي حرقها وضحى بالدم
وفناها بروح ساكنة الخلود
شباب 25 فجرها ثاني بالهم
وف ميدان التحرير دارو الحدود
الشعوب ف البروج العالية تهدم
بيد الحرية تجيب الموعود
تدفن ريحة الفساد لي رجعت تزكم
وب أضعف خلق الله سقط النمرود
بعدا تجبر وطغى وف الخالق تهم
فرعن لي على طغى وفرّخ تم
غرق وما نفعوه نفود
كاين ف خلق الله لي غنى ونعم
سيدنا سليمان لي نطق الهدهود
.........
يا لي ساير تحكم وتظلم
باب الحق ما عليه جنود
ف صوار العدل نشوفك تهدم
حساب ليك الحكام نغمة ف العود
خود العبرة قبل ما تندم
وتتعرى مكسي ك الهنود
جا اليوم لي فيه لابد ما تفهم
وتفهم الى يمتى تيقى ممدود
الصحة ليك اليوم وغدا تسقم
وتولي جناجة يكل فيه الدود
الحكاية لي ما يكتبها لقلم
ما عليها بطانة تعري الشهود
ما تصون الحق ليه ما تكرم
تخبط فيه على ما كلا المزود
ما تخلي حد يعيش ولا يحلم
الحمى حامي والشتى ليه برود
ولا يربي الريش ويجمع الدرهم
ينقي حالو ودير زرود
.......
رد بالك الشعوب راها تهجم
تدفن الضباع و وتنفي القرود
نيران الثورة ف عيونها تضرم
الطير شرارة تحرق وتسود
تعيا ما تخنق الصوت ولا تكتم
لا بد ما يجي اليوم الموعود
تعىا ما تسيء الاداب ولا تشتم
الخير من بطانة الشر يجي مولود
تعيا ما تجلي ف النور ولا تعتم
ضي الحق يجي مسعود
توضح الفساد ولا ليه تبهم
نارها تتفجر تكسر القيود
خمم وزيد فكر كثير وخمم
الشعوب بالنية فا رضها تخدم
تبغي الحرية من شرها تسلم
ورود الزهرية ف ريحا تشمشم
(...) يتبع.[/font]...
الرئيسية
موضوع: رُدْ بَالْكْ 
الثلاثاء 3 مايو - 16:39
