ما شي شيشتكم أنا

بعدو مني ياهاد الناس أنا ما شي شيشتكم
بشحال بعيدة منكم وما شي من تقاليدكم
كتقلدو كل حاجة شفتوها مالكم عل حالتكم
ما شي دراري انتما ياحصرة زعما بعقلكم
كتحطوني ف وسطكم كتديرو عليا حلقة مساليين روسكم
كتنطرو مني الدخان ما هو معسل كيف تكال لكم
انتطرومن الفواكه المحضرة ف الكيسان تنفعكم
أنا اغريبة ف وسطكم وف جوكم
انتما مغاربة ما خلاوني لكم جدودكم
كتدخلو السم بلا ما تشعرو ف صدركم
غادي انكعد لكم بالمرصاد حتى نهلككم
باش نوريكم الفيش ف القهاوي و لمثالكم
كتقلقو الناس والجيران كتسببولهم ف الضرر عيب عليكم
انتما عندكم السبسي والكارو ف بلادكم
تنشوف انا حتى هما يضركم ف ابدانكم
بعدو منهم شوفو آثارهم بان عل اسنانكم
واش انتما اغشام وما عا يقين ؟ باز لكم
تريضو قبل ما تريطو كلو الحلال تهلاو ف صحتكم
اما انا كتحطو عليا النار باش نحرق لكم ريتكم
انضيع لكم اوقاتكم وانخوي لكم اجيابكم
انا معفونة واشقايا اكثير به نعذبكم
اطلبو اله يعفو عليكم من الدخان كلو ما شي ف مصلحتكم
جربو نصيحتي تلقاكم درتو الخير ف راسكم
انا الشيشا عفريتة حاملة الشر لكم ولغيركم
انا الشيشا خايفة عليكم يعطني هرسا باش نهنيكم

29/04/11