دار الضو ساستني
مالكم ياناس دار الضو ما بغيتوش اتشوفو من حالي ؟
قتلتوني بفاتوراتكم فكل شهر وهاد الشهر الموالي
فرضتو عليا هاد القدر نخلصو وعرفتوه ما شي اديالي
شكيت لدار الضو شوفو معايا كال خلص ونا مالي
ماعندك شغل كل يوم تاتجي انت راك مسالي
اسيدي عندي 2 بولات وتلاجة وتلفزة راه الثمن جاني غالي
ماعندي ابحاير نسقي لا خضاري لا غلالي
قستوني في اجارتي ما خليتوش ليا باش انكاد احوالي
راه ظروفي ما تسمح ليا انقصو ليا نمشي فحالي
انا مواطن حيدو عليا لطرانش والضريبة باش نكون مع اعيالي
فراسك انا مستهلك ماشي منتج اسمعني وافهم اقوالي
ابغيتو تكلعو ليا هاد لفلوس بالتهديد اش غدي يبقى لي ؟
سستوني ف بلادي شاهد عليكم ربنا العالي
حتى لاين ابغيتو تبقاو هكدا كل واحد يتصرف بلا ما يبالي ؟
واش ما كاين شي واحد فكم راشد يدافع عليا ويحمي اللي ا بقى من مالي ؟