كيدْخلْ مع وْدنهم حربة و نشابْ او يفيقهم من النعاس او لقلالة
شرطوا علينا بلا حساب نزوْلوا لو البوق او نعملوا لو كْمامَة
لياليهم حمرة و صْخابْ و بنات ترقص و غرامة
حقْنا تبخّر او دابْ راهم بينا يشلّوا لِيقامَة
يغسلوا كل منْ دنبوُ ثرابْ او يرمِيوْنَا رَمْيَتْ لقمامة
سياستنا تعمير لَقْرابْ و شكون يخمم في يوم الندامة
الّلي يقول الحق داروه كدّاب و الفاسق عملوا لو شَان او قامة
قالوا الشتاء جايَّةْ مع السحاب قُلت لا تفرحوا راها غير غْمامة
النْدى ما بقى يطيح مع الضباب راه مْشات البَراكة مع عبار القَنّب و الكامة
رحال أودغوغ
أخي الغالي والعزيز رحال أودغوغ اشتقنا لك ولبوحك إستمتعت بهذه الزجلية تألق ورقي دائم إنشاء الله

شَوْهُو لَمْرَا او غَيْرُو لها الرسالة
وَدْرُوا لْها لَحجاب او زادوها وْشَامْ او خالة
الراجل سكروه بالشراب و صبح في صحوفهم زبالة
نَسّاوْهْ الدين او لكتاب حتى صبح على بلادو عالة
غارق في الهم او لعداب و يخمم في الخبز او لبطالة
شْكَاوْ البارح الكَرَّابْ عند الأمن تعملت فيه حالة
أُو لَمْرَة عطاوها سندالة او قَرْقَابْ و المشية عوجة بَطَّالَة
المساجيد سدوا لها الباب و المؤدن منعوه من لهلالة
كيدْخلْ مع وْدنهم حربة و نشابْ او يفيقهم من النعاس او لقلالة
شرطوا علينا بلا حساب نزوْلوا لو البوق او نعملوا لو كْمامَة
لياليهم حمرة و صْخابْ و بنات ترقص و غرامة
حقْنا تبخّر او دابْ راهم بينا يشلّوا لِيقامَة
الأستاذ الكريم والعزيز رحال أودغوغ أول مرة أقرأ لك فيها مررت لأحييك على العطاء و الغيرة على أبناء الوطن تحياتي الخالصة تقبل مروري أختك أسماء مثلا