[center]
وغدا نمشي

من حمرة العين
نشوف شروق الشمس
والشمس طالعة طالعة
وخا يطول الظلام
غدا تقول لينا عاييو
وغدا نمشي
ما نبقا حابس النفس
هاز راسي
وما نبقا غاشي
نزيد للقدام
ما خايف بروديت الضس
ونقول حتى انا عييو
وغدا نمشي
وآرا حلك يا حال
يا الساكن لدخال
شوف وكبر الشوفة
الشوفة اللي كانت مكروفة
فالظلام خايفة مخطوفة
من سمطت الوقت
وزراوطك أليام
وقول ياحالي عاييو
وغدا نمشي
يحلا لساني
تخطاه لمرورة
والكلمة المحبوسة
اللي كانت مقهورة
واحلة فالحلق
فلدخال محصورة
تعبر على الحال
وتوصف الصورة
وتقول حتى هي عاييو
وغدا نمشي
مزروكَ بين لوقات
نسرب محاين
الزمان اللي فات
وننقي صوف وجهي
من وسخ الخملة
نفليها من البرغوت والكَملة
نغسلها من ريوكَ البعبول
وبيض البق
ونهرس بيبان لقفاز
ونقطع مخالب الباز
ونطلق طير الحق
وحتى هو يكَول عاييو

المبدع المتألق أخي محمد الدكالي بوح جميل تألق ورقي دائم إنشاء الله

شكرا لمروركما الجميل أحبتي إبراهيم و سعيد

وغدا نمشي
مزروكَ بين لوقات
نسرب محاين
الزمان اللي فات
وننقي صوف وجهي
من وسخ الخملة
نفليها من البرغوت والكَملة
نغسلها من ريوكَ البعبول
وبيض البق
ونهرس بيبان لقفاز
ونقطع مخالب الباز
ونطلق طير الحق
وحتى هو يكَول عاييو

الأخ الزجال محمد الدكالي مررت من هنا لأحييك على هذا الفيض من الكلمات المعبرة تقبل مروري أختك أسماء مثلا