]هدية للفئة المنسية
الفلاح الصغير الكادح و همومه الحياتية
***********

]الله يكون فعوانك
غادي و تترنح هاز الدقة *
حست يك,
ألي جرا لي جرا لك
راسك وراسي لمحاين والشقا *
ضاع عمرك تقوس ظهرك
عمرك سلسلة مصدية
يتقطع حلقة حلقة*
أنت حي و أنت هالك
هاز كفنك على كتفك خرقة*
حفيان صيفك و شتاك
تحفر فالأرض
و لقمة عيشك فسما معلقة*
بدوي ما بغاوك تتحضر.
كلك اربح
بك تكمل الصفقة*
فالحصيدة حطيت غداك, تشرب مائك
سخون و طعامك الدبان دير عليه جوقة*
تشكي للمنجل و هو للزمان شكاك
السنبلة بينكم
ما عرفت لمن هي معشوقة*
فصيفك مقطوع ليك ماك.
فليالي وحلتي فغرقة*
بغتي تسلك الواد حمل و داك.
قبل ما يسخنوا أكتافك
ضربتيها بزلقة*
الله يكون ف اعوانك
غادي و تترنح هاز الدقة *
شافوك موسخ ڭالوا
مشحاح*
وخا قلنا ليهم تفك من الحملة
زلق و طاح*
كيتك شعلت فالقلب حرقة*
أنفض الغبرة على كتافك.
ياك أنت فلاح*
نهار تفيق من الڭلبة
تزيان الحالة و تنقا*[/center][/size]

الاخ العزيز
والاستاذ الجليل
العمراني السريتي
زجلية جميلة
وابداع من شكل تاني
اهنؤك على هذا الموضوع
الحساس
والذي يهتم بهذه الفئة من الشريحة الاجتماعية
تحياتي
وتقديري

أخي وأستاذي الفاضل العمراني السريتي
جميل مأبدعت هنا لك أجمل التحيات ومزيدا من العطاء والتألق

تحياتي للأخت فتيحة الكريمة و الأخ الوقور سعيد
أتقبل مروركم و دمتم جبال شامخة في وطن دواوين إبداع