منتديات دواوين الثقافية و الأدبية

صمت القهرة

دموعي تسيل بالحرقة عل تبن النادر
والحَبْ م هو لي
مْسَلمْ فيه
منزوع
لساني بياض بالريق والرغوة
وتحتو عقدة
*
م بق براح ف لسواق
ول صاحب الحلقة
دقو لهم مسمار ف الرحبة
مهند م يصدي م يرش
بناو بيت وجيروه
بيض ناصح
يعجب ف الشوفة
بابو مشرع
بلا شراجم
لوان مخالفة ف خيوطو
ش صفر ش احمر
وياك من لخضر
*
تقرقيب السطول افهم يا الفاهم
ريوكو طاحو عل الجايفة
جلابتو مرايا ، والقشابة خلاص
لا تسولني
غير صلي بلا وْضو
طمعتي ف رزق ليتاما
والموم هجالة بخمس ولاد
الزمان قاسي وزدتيها عداب
*
حنو عليك يا المقجوج
لبسوك صباط حديد
وصلوك للعقبة
قطعو بك لحبل
وقالو ليك زيد
*
تسمع العام زين
الغنا ف كل مكان
ف لسواق م بق زحام
الزيادة فرض واجب
بارك من التخمام .
السلعة ديها ول خليها
كاين مواليها
للي تكويك وتحرقك
لا تقرب ليها .
*
الفلاح حالتو تشفي
تهرس ليه لجناح
اغرق
وف باب الحبس يدق
وبالحبل يتشنق
رزتو طاحت
فراش الارض والمازوط
ورك موسو ف لعظم
الدوا زاد ف هبالو
ونفعو قليل م بق عل حالو
ياهل الوقت شوفو من حالتنا
واش م كاين م يتقال
خوفي من صمت القهرة
**
*

أخي الطيب أحمد أحمانو

في هذا النص الجميل أطلقت جوهرة العقل فكنت بحق المبدع الممتع

تحيتي لك ملؤها المودة الصادقة مع تحية إكبار وتقدير ليراعك الشهم

الاخ الجليل
والاستاد الطيب
صاحب القلب الكبير
احمد حمانو
زجليةجميلة
نالت اعجابي
تحياتي
الخالصة
ومودتي
الدائمة
اختك فتيحة رشاد

العزيز الغالي أستاذي الفاضل احمد حمانو
قصيدة معبرة كل التقدم اتمناه لك أخي

» من حر القهرة