نية العمة
يلقاه في عكازه
والقرشال عية
ماعيات مولاته
قالت لي
صوف وانا غازلاك
عجين وانا خابزاك
خافت علية من الزين
حشات لية الرجلين
رداتني عديم
وبدات كتميل
من فعيل النسا
لا تنســــــا
الا ما جات في الصباح
اتجي في المســــــا
قلت ليها
اش هاد الزوية زويتيني
بداك الما لي شربتيني
قالت لية
هداك ماء البيار
يشافيك من الديار
اثبت وخلي الزرع ينبت
والله مني ما تفلت
الي قرصه الحنش
يخاف من القنب
وانا قرصاتني مرة
خفت من الاخرى
ضرباتني يدي
وعلاش غادي نبكي
وسباب كيتي
هاد ضلعتي
خرجات لية مرة
زادت في همي
مشمرة شمارة
على البلا
مافيها تمارة
غدارة
حكارة
سامع للجارة
والجارة
غير مغيارة
ضحكات عليها
لقاتها .......؟
عيت نصبر
وندير ليها لعقل
تقاد الصبر
وانا نسعر
بين عيني
النسا كاملين
كيف العظم
والعظم مخه دايب
خبطة مو رى خبطة
يبدى يتسايل
فهمات معطلة
وندمات
وما نفعاتها اندامة
وفين الشوافة
وزيارت السادة
حشمنا خبطاتنا بوسادة
وماحاس بالوسادة
غير المخبوط بالجهالة
كيت الدليل فالجماعة
ااما انا زلعت ديك الوسادة