ضحكتي ولات مخلطة بدموع
الضحكة اللي كانت ديما ميزتي بهاتت
علاش دخلت عالم العشق و الهوى واش غي باش نتالم
روحي تعلقات فهواك و انتا يا البارد تتكتب كلام حلو على حب محاسش بيه
خداع و اناني بنيتي على قلبك سور من ثلج....
لالا ماشي من ثلج حيت الثلج كون سمع كلامي عليك و حس بحبي ليك كون ذاب
يمكن سورك من حديد متين بنيتيه بقوة ما تجرحتي باش ماتبقاش تتالم
و لكن انا اشنو ذنبي تلعب عليا و تعلقني فهواك
و انتا عارفني فحبي حساسة و قوية
و احاسيسي عنف من امواج البحر
غرقتيني فيك و بعدتي و خلتيني
ولفت تلعب معايا ديك المسرحية ديال الحب كل ليلة
و انتا لابس ماسك ديال الحبيب الولهان
كنت ديك البنت الصغيرة اللي يا الله بدات تتعلم كيفاش تكتب دهشك اسلوبي
اسلوب بسيط ديال بنت ممثقفاش لكن تيدخل كلامها القلب
علاش قررتي تتعمق معايا و تدخلني لبحرك تزين ليا و تبين ليا باللي داك البحر هامد و فيه الامان
دخلت و غرقت على خاطري
مابزز عليا حتى حد حيت انا كنت عارفاك و عارفة باللي غتعدبني معاك
و دابا ماللي عرفتي و حسيتي باللي وليتي كل شئ فحياتي
بديتي تتبعد عرفتي وخا تتفكر باللي انتا قاريني و باللي روحي معرية قدامك حافضها انا تنقوليك راك معرفتي والو
والى كان بحرك هامد انا هي الموجة اللي غتقلبو و غنقلب سحورك عليك و تسنا راك باقي ماشفتي والو........