ملي طاح الظلام حلات بيبان لوهام تتقلب على الامان
بنيتة مدفونة فكسدة امرأة اتشق لحمها من هموم تحملاتها من صغرها
فليلة من ليالي تقرب منها ذيب لابس بطانة خروف ضريف
لاطفها جاملها رق قلبها ليه و تعاطفات معاه ...هي اللي عمرها سمعات كلمة اعجاب و اطراء من شي شخص ....
طيحها في شباك من حرير نسج بيديه و هي دخلات الشبكة بإرادتها ...
و خيوط الشبكة لبسوها حتى ولاو جزء منها ..
وفي لحظة..الحرير تحول لشوك قاومات جرحها...
حاولات تحيد الشوك وحدة بوحدة مقدراتش ..
الشوك تغرش فيها و الشبكة بغات تدخل فيها و تسيل دمها حتى تموت وسطها
صارحات باللي معمرها غتبغيه و معمرها غتكون ليه...
و طلبات يخرجها من شباكو اللي تزرعات فيها
لبس قناع الصداقة ووهمها باللي غيكون صديق ليها ....
و طلب منها متقطعش الوصل ....
بيناتهم وافقات و رخا ليها الشبكة..
ولكن الذيب الغدار نكر العهد و الوعد
و طلب منها تنفد رغبات و نزواتو رفضات هربات منو دار بيها من كل جوايه
و حاول يربطها بيه عن طريق الشفقة
و قال ليها باللي الى تخلات عليه غادي يقتل راسو
و هي لطيبتها ستسلمات و مبغاتش يبق ذنب روح فرقبتها
ولكن مقدراتش تستمر وهي لابسة قناع الانحلال
الشبكة خنقاتها ... تحدات الالم و شركاتها
هربات منو وسدات موراها بيبان الاوهام
ولكن هو مبغاش يخليها تعيش حياتها باغي يدمرها باي وسيلة
ستخسر فيها تعشق و تحب
تابعها اش غدير ؟؟؟؟؟؟
النهاية الله بوحدو اللي عارفها
و المكتوب ما منو هروب.....................