حياتي هكدا

قالوا لي علاش ديما فكعان وما تكتب للي تفرح
وانا شفت الدنيا مزيان ما بان لي غير اللي يجرح
كنكتب على لحباب و العديان و المنكر انا بيه النبرح
ما كرهت نكون هنيان و على جنبي ناعس مسرح
بهد الوضع صبحت عيان واقف ولا ناعس نتقرح
بالجفاف جفت الويدان و شكون باقي يزرع و يفلح
المعامل سدوا البيبان و حق الدرويش شكون بيه يصرح
الشباب مخدر و سكران حيت ما تربى في الصغر ما تملح

كل نهار في الصباح نفيق
غادي جاي فنفس الطريق
حياتي روتين ما فيها تشويق
داخل سوق راسي لا صاحب و لا رفيق
اليوم ما تلقى فيمن التيق
لا من يدق بابي لا عم لا خال و لا شقيق
اللي توقف معاه يعمل ليك تحقيق
او حتى الى حليتي عينيك او بغيتي تعيق
تلقى راسك مكتف او سايرين عليك بالتصرفيق
كلشي صبح واضح او باين بلا تعليق
لا كلمة مرصعة و لا حرف رقيق
راه دنيتنا اليوم ما بقى فيها ما يليق
حياتنا احزان و شكون غيرك يا ربنا يكون بينا شفيق


رحال اودغوغ