الغربة
مالي و مال لبلاد لغريبة
اش داني نفرق اولادي
العيشة فيها شحال صعيبة
وانا خليت الخير ف بلادي
قالت لي نفسي لحبيبة
بغيت نرجع لارض جدادي

مالي ومال لبلاد لغريبة
حياة الغربة هموم و انين
ودموع حارة جرحت عينيا
بالي مشغول و قلبي حزين
نفكر ف اهلي و اللي ليا
ف بلاد الغربة ما لقيت حنين
يواسيني بكلمة و ياخد بيدييا

مالي و مال لبلاد لغريبة
قولوا للغربة تطلق سراحي
بغيت نشوف خوتي و صحابي
نضرة فيهم اداوي جراحي
ضحكة منهم تنسيني عدابي
ترجع ثاني ايامي و افراحي
و يغنيوا معايا اهلي و احبابي

مالي و مال لبلاد لغريبة

أخي وأستاذي الفاضل محمد منار من منا لم يقاصي من الغربة أحييك أخي على هذه القصيدة الجميلة
لك كل التقدير والاحترام

استادي سعيد الفاضلي اشكرك على كلماتك المشجعة لك كامل احترماتي