لاتَشْطَنْ بالكْ



لاتَشْطنْ بالكْ بيا


وخلني سَارحْ ف أرْض اللهْ


لا الأرضْ ليكْ ولا ليا


ولا تْنَعتْني ب عيبي وتْكُولْ راهْ


إلا كَنْتِ ف لْغَيبْ شادْ فِيا


تْولاَ عيبَكْ وقْراهْ


للي مافيهْ قنْطارْ فيهْ وقِية


ورايْحا مْجامْلاهْ


وفَرْ وقتَكْ ف وقتي


ودورْ ف للي ناقَصْ


زْمانْ إدورْ ولْقاكْ عْيِتي


ودوزْ أيامَكْ راقَصْ


لَكلامْ للي ماعنْدكْ فيهْ إجَرا


ومْضيَّعْ سْوايَعْ ف لَقْصرا


لاتْحَسْبو مَنَّكْ شْطارة


لْخيرْ ف لْمَعْقولْ وثْمارة


ولاتشْطنْ بالكْ بيا
***********
البعليوي عبد السلام

أستاذي العزيز ، عبد السلام البعليوي
لا تشطن بالك وتقول قصيدة غير زوينة
ولا ثثركنا وحدنا ، أنتا هو عوينا
راها محبة صافية ليك
وجرب، يا ل علينا مغرب
لاتشطن بالك وتقول غير دوينا
نطلبو الله يغفر لينا حتى يدينا
ـــــــــــــــــــــــــــــــــــــــــــــــــــ
قصيدتك جميلة ورائعة في معانيها وإيقاعها الموسيقي إلى درجة سرقني جمالها من نفسي وحلقت بي
أخوك المختار بن دغة
تحياتي

مرحب بيك في منتدى دواوين الابداع
قصائد جميلة تستحق التقدير
ومرحب بيك مرة اخرى كمشرف بيننا
لي نتبادل الكلمة الطيبة والجميلة
فما احوجنا اليها تحياتي
ياخويا لاتشطن بالك
يمكن العام زين
معايا ومع امثالك
لازم نشابكو ليدين
يتغير حالي وحالك
ونشوفو لفراح بالعين
اهبالي صاب اهبالك
واخديت منو حرفين
ولي اجرى اجرى لك
لينا الله اعوين