من نظم: سيدي محمد لوستري
*********
انا فعارك أسلطاني**توفي زيارتي**وتفاقدني يا عنايتي
يا من طاعو ليك بالقهر لبنات
*************************************
امالكي هواك فناني**وسرى فمهجتي**ملكني ياروح راحتي
ما عندي راحة ولا عقل هيهات
نبات كنجول فداجي**والعين ترتي**تارة مثل الدم دمعتي
تارة تنثرني جواهر اللذات
عييت ما نبرد بمياه**الصبر علتي**حتى تخمد نار ليعتي
ونقول عضايا من الغرام برات
ويهب ريح وجدك ويحرك**نار مهجتي**وتهيج علي محبتي
وتلحقني كنقطع الزفرات
*************************************
دوزت في بهاك وقاتي****فنيت بك ورشيت
وعييت ما نطمع ذاتي****برضاك يا من هويت
ونا ليك هبت تقاتي****والروح ليلك هديت
رأفة يا ضيا مقلتي****رانا فحبك فنيت
واش من نهار يا محبوبي**توفي زيارتي**وتنادمني في خلاعتي
ونكبّْ على زين صورتك طاسات
نصول بك كيّْنك سيف**على حمالتي**ولاًّ مزراكي ودركتي
نهزم بك عساكر العدا لو جات
مغروم فالمحاسن ومحبتهم**طرقتي**وهواهم روحي وراحتي
والنظرة فالزين تبًّتْ الفتنات
*************************************
وحياة صورتك وحياتي****ما فيك عيب يُنْعَتْ
سوى جفاك مانع آتي****نسَّى فكل ما فات
ومن شقوتي ومراتي****هويت زين فتًّات
التيه للمليح يواتي**** واللي عشيق بهَّات
أنا عشقت زين العرب**على ولاعتي**وزين العجم لطاعتي
يشهدوا بين أنا عبيّْد الشهلات
خدود لبياض الصافي**هما جنتي**وبثغرهم تفجي كربتي
جوهر فشفيفة من لعقيق حلات
عييت من شموس الغرة**نحضي غرتي**ومن لشفار نصون علتي
حتى ريت القد فايق بلمزات
*************************************
وإلى هويت قل لخناتي****راني عشيق هتهوت
نمجد البها فبياتي****ونلبسو الياقوت
صغى وجول في معناتي****وطريزها المثبوت
وعلى جفاك طال سكاتي****حتى شغفت الموت
أنا من حماقي نسْتنى**فيك ساعتي**ونظنك تبغي جماعتي
وتجيني يا كامل البها وتبات
انت حذير نافر ما رايد**غير فرقتي**ما عندك خلطة ففراقتي
وإلى جيتي تجي بغير ثبات
ما صبت فيك غَرْضي حتى**تفنى شهوتي**وما رَمْتي كاع خلطتي
وتزيد بلعاني تزيدني الليعات
لله يا غزالي تقبل** مني هديتي**وتوفقني في سجيتي
وحيي رسمي بالوصل عاشق ها

اتبارك الله
على اللي اكتب
وعلى اللي وصل لخبار
شكرا على الاختيار
الاخ العزيز
سعيد محمودي
تحياتي

بدوري أختي الفاضلة فتيحة رشاد أشكرك وأشكر سيدي محمد لوستري على هذه القصيدة الرائعة

لك كل التقدير والاحترام