لتمنى لجميع الاخوان والاخوات ان تكونو قد قضيتم عيدكم في احسن الضروف ..وها نحن نعود لنكتب ونتبادل حبا بحب وتقديرا بتقدير ادامكم الله لي وللحرف وللكلمة الطيبة سااشارك في هذه المناسبة بقصيدة التي اخترت لها عنوان التايــــــــه



التايــــــــــــــــــه

طاعتني كل لحروف
عصاتني اليف واللام
دقت شلا دفــــــوف
وتهت بين الزحـــــام

مرتاح
وعقلي مخطـــــــوف
ساكن خيالـــــــــــي
بالتخمام

مانرمي الكلمة حتى نشوف
مانبغي حلان لفــــــــــــوام


يعجبني لكلام لحلو
ف لخيال ماكاين مثلو
يبقى في نقتلــــــــــــو
حاضي وصاين لمقام


من دموعي كتب تريد
من الهم كلت جغديد
هذا الوقت ماتفهم



فرشت لحصير ف لمسيد
بكيت وطابو شفاري
عشت فراد وحيد
ماجاب حد خباري


مشى نص عمر
اك:غمضة العينين
اربعين من ثمانين
االباقي
يحسبوه غ لمجانين

سميت الله
ودخلت لداري
ساويت الرباب عل لكلام
شادني الخوف من خويا وجاري
لقيت عمي لكلام كاوي وباري
موكي عل لعضام

كلمني واحد بالاصلاح
حسبتو من الاولية
هو موس ماضي يجراح
هادوك ضعاف العقلية

نزلت عيني
شفت الارض كلها تراب
كالو الناس كلها ذهب
ماشافتو عيني
ماعمرو لي قراب
وقلت انا:

سعدات لي الفها كتاب
اخزيت ..اخزيت
الحياة كلها عذاب



الله عل الساعة الله
سريعة خفيفة
حمامة ضريفة
جوج موارا فيها
ها:وحدة هذ مشات
مغمضة عينيها

فراس لعمر
فراس الدرب
وحدة سرجت خيلها
وعيطت وا لمكحل
اانا نحط حروفي بالزرب
خايف منها تقرب
تخطف الشكارة ومافيها

انا مزاوك...انا مزاوك
خليني لا تديني
حتى يطير حرفي

يفرفر ف سما دماغي
يكركر
على عرش يابس
يعوم ف بحور دواخلي
ويرجع فوق صور حياتي
لصفر
فراس شجرة مكتابي اليابسة
على ضهر لعمر
بغيتو يشعل
فزرب العصفر
نزرع فداني
فهذ العالم الفاني
نحفر بير
نسقي قمح وشعير
بغيت كلشي خضر
خضر ف خضر
كلشي خضر
كلشي خضر
كلشي خضر

أخي وأستاذي المفضل الياموني المبدع المتألق مبدع الكلام الجميل قصيدة تقطر حكمة
تستحق القراءة أكتر من مرة هنيئا لنا بك أخي
لك كل التقدير والاحترام

اخي واستاذي المحبوب سعيد محمودي شكرا على مرورك الذي يسعدني كثيرا .اتمنى ان تلقى نفسك في قصيدتي المتواضعة دمت ابي ومرشدي في الكلمة الطيبة