منتديات دواوين الثقافية و الأدبية

بمناسبة عيد الاضحى اهذي إليكم هذه المستملحة عن تلفون صاحبي كل انهار عندو خاسر

تلفون صاحبي

صاحْبي زْواتِني راجلْ مَخْيارْ
كْلامو ميزانْ عْبارْ
ف الحوما إضَلْ إعْبَرْ
****
حانوتو تَشْبَهْ عطارْ
ولَبْرامَلْ إيمانْ وسارْ
وقدامو عَاسْ خضارْ
إحْسبْ مدخولْ لَمْجرْ
***
سِكْليسْ وكَُزارْونجارْ
وخرازْ وحَوَاتْ وسمسارْ
وجنْبو نقاشة بجْهارْ
وبركَُاكََُ مْخنْزرْ
***
معْروفْ من ناسْ تِقار
عيبو ْمسوَّرْ ب سْوارْ
ودايَرْ حقْ الجارْ
واللسانو حاكْمو من الشرْ
***
واليوم ألقيتو مَكُْدارْ
طاحْ تِلفونو غابْ علْ لَنْظارْ
ف صْطلْ تلْحمّصْ ومَزْرارْ
تْصرطْ لْسانو ماتْلاَهْضَرْ
****
شَفْتو مكَشّرْ تَكْشارْ
باينْ مهْمومْ ومَغْيارْ
تْكَُولْ حامَلْ لَحْجارْ
مسْكين ماعادْ لو صْبرْ
****
وجْهو صْفرْ وزادْ صْفارْ
وفمو إصوتْ بلا نفارْ
حالْتو عالمْ بها عالمْ لقْدارْ
صبرْتو وعْضي ماتْمَرْ
***
كًُالْ ليا لاتْصبرْني َبعْدارْ
راه ْفيهْ نْماري لَحْبابْ كْثارْ
حَزْ عليا نْمرْت لَحْبيبْ المسرارْ
وكيفْ أوَعْدي نَصْبرْ
***
ونْسا غْزالي كلْ نْهارْ
إلاهْتَفْ إمحي عليا لوزارْ
إسَليني بكْلامو إحرَّكْ ليا لوتارْ
تَرْقصْ داتي بلَفْخرْ
****
تِلفوني كانْ إجيبْ ليا لَخْبارْ
صنْعوهْ صْحاب لعْقلْ ولَفْكارْ
ونَبّهْني لَحبيبْ مشْمومْ نَوارْ
تْهلاَ عنْداكْ إغْبَرْ
***
وهاهُوَ طاحْ ف صْطلْ غدارْ
ما شْفقْ منْ حالي هادْ المكارْ
وغابْ لي علْ لَبْصارْ
خَلاني وحْدي نْكَُرْ
***
كَُالي سْمعْ وصْغى لَفْكارْ
هادْ تلفونْ شْرتو فَ خََّرْنْهارْ
منْ لَخْميسْ عَنْد واحدْ ْلمخارْ
باعو ليا بَسْترْ
***
فيهْ الكميرا والصَوارْ
ولانْتيرْنيت عَبْرَ لَقْمارْ
تلفونْ غريبْ الأطوار
وفيهْ لخْضرْ ولصفرْ
***
ونْصَحْني داكْ لْمطيارْ
صونو منْ لَغْبارْ
وحفْظو منْ طلوعْ لْكارْ
لايرْجعْ لَخْميسْ بلَبْترْ
***
غارْ منو كدا منْ مغيارْ
ولاعَشْقو ليا مَكارْ
تبْعوهْ عنينْ لأَشرارْ
ولاتْحكْ علَ ضبَرْ
***
شوفْ فيا وجْه القهارْ
إلاتَعْرفْ شي مْعلمْ مسمارْ
إصلَحْ عيبو وداوي لَضْرارْ
باشْ نْجاوبْ غْزالي إلاحْضرْ
***
ودَعْتو وفْ طريقي لَدارْ
لْبَسْني همو وفاقو لشْعارْ
وطاحْ لَقْلمْ ف سْطرْ
***
جاتْ قصيدة ما فيها مَعْيارْ
ولازرَّبْناها بعارْ
شَورْنا وكانْ شْوارْ
ولْحُجة عل َمنْ نْكَرْ
***
خْتَمْناها بوَرْد وأزْهارْ
وصْلاَعلى خيْر الأبرارْ
يغْفَرْ لينا نعْم ستارْ
وكل منْ صْغى وشْكرْ

عبد السلام البعليوي بن عبد الله

أخي وأستاذي الغالي البوعليوي عبد السلام
هنيئا للزجل بمستوى قلمك الفني
كلمات وازنة زادت النص أكثر جمالية
التليفون طاح في الما
وخرجت المعنى والحكمة
لك كل التقدير والاحترام

المبدع المتميز السي عبد السلام
دائما متميز ..تبارك الله عليك
كن ما طاح البورطابل في السطل ..مايتكلم السي عبد السلام و يهضر
دمت للزجل وفيا
مودتي

تبارك الله على السي
عبد السلام البعليوي
ايوا خويا الى جاتني غير في التلفون
ونبدع بحال هاذ الفنون
نرمي حتى التلفزيون
بوح جميل
دمت راقيا مبدعا
تحياتي الخالصة واخوتي الدائمة
زكل عيد وانت بالف خير
مودتي

تبارك الله عليك أختي فتيحة ، الجواب ديما على طرف لسانك واجد
عيدك مبارك سعيد
شكرا على هذا المجهود المحمود ..شكرا على اهتمامك بكل ما هو جميل
مودتي الخالصة

شكرا للاستاذ الجليل
والاخ الفاضل
والصديق العزيز
ابراهيم الرامي
دامت المحبة
والاحترام
فانا باذن الله اعد الايام
للقياك وباقي الاخوان
فالى ذاك الحين دمتم بسلام

زائر

استاذي سيدي عبد السلام البعليوي كلامك بغيتيه يبقى عزري رني نشفوفو عزري وفي اوج عطاءاته الله يخليك لينا قصائدك تطربني تحييني اتمنى لك طول العمر لك محبتي الغير منتهية

مستملحة في غاية الطرافة
أضحك الله سنك أخي عبد السلام
دامت لك المسرة والهناء

سعيد محمودي كتب:: أخي وأستاذي الغالي البوعليوي عبد السلام
هنيئا للزجل بمستوى قلمك الفني
كلمات وازنة زادت النص أكثر جمالية
التليفون طاح في الما
وخرجت المعنى والحكمة
لك كل التقدير والاحترام

الاخ الكريم السي سعيد محمودي سلام الله عليك

مشكور يااخي على مرورك المعهود وكلماتك الطيبة

مودتي

ابراهيم الرامي كتب:: المبدع المتميز السي عبد السلام
دائما متميز ..تبارك الله عليك
كن ما طاح البورطابل في السطل ..مايتكلم السي عبد السلام و يهضر
دمت للزجل وفيا
مودتي

الاخ الكريم السي ابراهيم الرامي سلام الله عليك

الله إبارك فيك وخليك نوارة المنتدى ايها الطيب سلامي واحترامي

فتيحة رشاد كتب:: تبارك الله على السي
عبد السلام البعليوي
ايوا خويا الى جاتني غير في التلفون
ونبدع بحال هاذ الفنون
نرمي حتى التلفزيون
بوح جميل
دمت راقيا مبدعا
تحياتي الخالصة واخوتي الدائمة
زكل عيد وانت بالف خير
مودتي

الاخت الكريمة فتيحة رشاد سلام الله عليك

تبارك الله عليك جواب السريع ههههههههه

الله إخلي ليك نباهتك وخلي كلام ديما حلو
مشكورة ايتها العزيزة

المفضل الياموني كتب:: استاذي سيدي عبد السلام البعليوي كلامك بغيتيه يبقى عزري رني نشفوفو عزري وفي اوج عطاءاته الله يخليك لينا قصائدك تطربني تحييني اتمنى لك طول العمر لك محبتي الغير منتهية

الاخ الكريم المفضل الياموني
سلام الله عليك
المفضل إسم على مسمى ايها العزيز اشكر على كلماتك الطيبة
تحياتي

عبد الغني الراقي كتب:: مستملحة في غاية الطرافة
أضحك الله سنك أخي عبد السلام
دامت لك المسرة والهناء

المحبوب الاخ السي عبد الغني الراقي سلام الله عليك

مرورك يسعدني وافتخر به لأنك من العيار الثقيل ايها العزيز
مودتي

اسي عبدالسلام راه غادي نكولها مول الزيتون غير بلاتي من ربيب المحنة لهادا واخة بلاتي غير صبر تحياتي

اكون مشريته عند المخار ميطرا به والو اوا هانت غادي اشريها ليك السي عمهم مع مول الزيتون

المبدع البعليوي عبد السلام زجليتك رائعة تحياتي لك.

عمهم كتب:: اسي عبدالسلام راه غادي نكولها مول الزيتون غير بلاتي من ربيب المحنة لهادا واخة بلاتي غير صبر تحياتي

الاخ عبد الرشيد عمهم الكريم سلام الله عليك

استر اخويا ماستر الله راه احنا مع الموجا لي جات نمشو معها وهاد شي لي اعطا الله تحيتي لمرور الزكي
مودتي

امينة منيب كتب:: اكون مشريته عند المخار ميطرا به والو اوا هانت غادي اشريها ليك السي عمهم مع مول الزيتون

المبدع البعليوي عبد السلام زجليتك رائعة تحياتي لك.

الاخت العزيزة أمينة منيب سلام الله عليك

هانتي شتي اختي أمينة هاد عمهم بغا إشري لينا المشاكل الله إهديه
تحياتي اختي على مرورك البهي

» صاحبي طرز لما....
» يا صاحبي
» سرجت عودي