وياااا سيد لفقي !...
قاصدك والمقصود الله
خويا مريض وزااايد يشكي
*****
ذاتو الإسعاف ممدود ما يشوف
ما آبقى على من آتكي
*****
إلا آرتاح نأدي ليك الخرووووف
ولا ثور كبير سردي
*****
غابت الصحة ، والراس منتوف
نصلي لفجر وندعي
*****
يوم على يوم يزداد الخووووف
يقولينا عنداك ترهنو لي آرضي
*******
بخر ليه بريش هدهود ولا جلدة الحلوف
واخا البخورغالي نشري
******
فين الصحة.. وف دوار كان يطوف
معروف من بكري
******
سكنت ، المسكونة جعلاتو مرخووووف
هو ف مكانها يبكي
******
يتصنت لعظامو ويشوووف
ويا من يدوي
******
فين الملك لمعروف
المرض آخلاه .... وآصبح يكري
*******
ياربي شوف حال هاذ المكشوووف
آشنو يعمل ليه هاذ الفقي...
*******
ياربي تتحسن ليه الظروف
ندبح كوادرة من الثيران والأعضاء دواوين كلها تجي....